Lenkawl

Election Commission of India thupek angin, Special Intensive Revision (SIR), Special Drive chu kar kalta Ningani, October ni 8, 2026 atang khan Serchhip District-ah pawh neih tan niin Special Drive neih tur atan hian ERO ten BLO te Training an neihpui nghal an ni a. He Special Drive neih chhung hian SIR 2026 neih hmaa Electoral Roll (Dt. 6.01.2025) a hming chuang, mahse SIR Final Roll (Dt. 7.09.2026) a hming awm ta lo te chu an chenna In-ah BLO ten an dinhmun enfiah turin an tlawhchhuak dawn a. India khua leh tui dik tak an nih chuan Form-6 hmanga inziaklut tura an hrilh dawn bakah, Electoral Roll-a dahluh leh an nih theih nan an pui anga, kum 18 tling thar vote nei thar turte pawh an zawngchhuak nghal bawk ang.

Thubuai hrang hrang nei ten Court-ah kal kher lova thubuai-a inremna an neih theihna turin Inrinni kalta Oct. 10, 2026 khan Serchhip-ah Lok Adalat thutkhawm chu neih leh a ni a, tun tuma Lok Adalat thutkhawm hi Serchhip District Court-ah neih niin J…

Serchhip-a District Hospital sak hna thawh mekah Block B sakna turin hna thawh tan a ni ta a, kar kalta khan a hmun tur laihzauh hna tan a ni. District Hospital Serchhip Building sak hna thawh mek hi Block A leh Block B-ah then niin tunah hian Block A sak hna chu thawh mek a ni a, Block B hi DoNER Ministry hnuaia NESIDS Scheme atanga sak tur niin cheng vbc. 50 senga sak tur tura ruahman nia thudawn a ni.

Zirtawpni kalta zan atanga Presbyterian Serchhip Chhim Veng Kohhran Biak In-a neih Chhimchhak Presbytery Inkhawmpui vawi 103-na chu nizan khan a tiak ta a, nimin Pathianni chawhma Inkhawm ah Upa atana thlan mi 7 te chu nemngheh niin chawhnu inkhawm …

Labour, Employement, Skill Development and Entrepreneurship (LESDE) Minister, Lalnghinglova Hmar chuan thalaite hlawhtlinna chu sawrkar hna an hmuh leh hmuh loh ringawta teh tur a nih loh thu a sawi.

Mizoram-ah kum 42 chhungin ruihhlo vanga thi mi 2,038 an awm tawh a: kumin ah thla hmasa, September ni 25 thleng khan ruihhlo hmansual vangin kum 18 atanga kum 56 inkar mi 41 an thi tawh niin sawrkar chuan a chhinchhiah.

India ram Chhiarpui (Census 2027) neih meka Mizoram-a Phase-II kalpui dan tur chu Inrinni khan Chief Secretary Khilli Ram Meena kaihhruaiin sawihona neih a ni a, Phase-II ah hian Mizorama mipui awm zat inchhiarna (Population Enumeration) neih a nih tur thu leh raltlante pawh chhiar tel an nih tur thu tarlan a ni.

Zoram Medical College & Hospital (ZMC&H) atangin zirlai (MBBS) 287 an pass chhuak tawh a, chung zinga zirlai 53 te chu Mizoram pawn atanga zir an ni.

Social Welfare Department chuan khualkhua a thi ruang phurhna man a tum sakna, ‘Assistance for Transportation of Bodies of Deceased Persons’ hmangin tun thla (October)-ah ni 8 chhungin ruang 196 phurhna atan Rs. 20,95,635 a pechhuak.

Kum 2016-a hawn Pradhan Mantri Ujjwala Yojana (PMUY) hnuaiah kumin September thla thleng khan mi rethei chhungkua hmeichhiate tan LPG Connection a thlawnin vbc. 10.56 chuang pek a ni tawh a, Mizoram bikah Gas connection 38,305 pek ni tawhin Mamit District-ah PMUY Gas Connection 7,517 awmin a tamna ber District a ni.