MIDFF hawnna neih a ni

/
Sawrkar laipui-a Ministry of Information & Broadcasting hnuaia  Films Division leh Mi-zoram sawrkar-a I&PR Department buatsaih, Mizoram International Documentary Film Festival (MIDFF) chu nimin khan I&PR Minister, Lalruatkima chuan Aizawl-a I&PR Auditorium-ah a tlangzarh.
Mizoram International Documentary Film Festival (MIDFF) hawnna hunah hian I&PR Minister chuan Cinema leh film te’n kum 100 chhungin khawvel a chiah hneh hle tih sawiin, mihring nun nasa taka nghawngin nunphung a thlak danglam nasa hle tih a sawi a. Film pangngai nilo documentary film te pawimawhna sawi langin Minister chuan, Documentary films ten thu leh hla an hawl kim avangte, thawnthu nilo thil tak tak behchhan a siam anih avangte in an pawimawhna hi a lang chho zel dawn a.  Mipui rilru sukthlek leh an ngaihdan thlengin a her danglam thei a,  chu chu film te thil tih thei zia a ni, a ti.
    He hunah hian Film Division-a Director, V. Packirisamy pawhin kum 1948 a din Films Division sulhnu leh hnathawh tlangpui te a tarlang a. I&PR Director, Lallianpuii pawhin thu a sawi bawk.
    Ni thum (3) awh tur Documentary Film Festival-ah hian Award la tawh, Documentary Film 20 chhuah a ni dawn a, heng zinga hian Films Division in kum 2014-a Aizawl-ah leh 2016-a Lunglei-ah te Film Making Workshop an buatsaih \uma Workshop a tel te kutchhuak Film 7 te pawh chhuah a ni dawn a ni. Films Division hi kum 1948 a din niin a tirah chuan Sawrkar programme chungchangah film siamin mipui zirtir hna chu an hna pui ber a ni \hin a. Documentary Film te pawh buaipui chho in film te, documentary te, animation te 10,000 chuang an siam tawh a. National leh International Award engemaw zat an lo dawng tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »