Kan ram leh mipui tan theihtawp chhuahin hmalam panin ke kan pen zel dawn - Lalhmangaiha Sailo

MPC President, Lalhmangaiha Sailo chuan, “Kan ram leh mipui tan theihtawp chhuahin hmalam panin ke kan pen zel dawn a ni,” tiin MPC Party in nimin a Executive Meeting an neih ah a sawi a. Mizoram dinhmun chu a derthawng kual vek niin a sawi bawk.

MPC Party in nimin-a Aizawl-a an Office-a Executive Meeting an neih ah an President, Lalhmangaiha Sailo chuan thu sawiin tun ang politics boruakin MPC Party a nghawng lai taka rinawm leh nghet taka MPC Party vuan tlat tute avanga party nghet leh tlo an ni zel thei chu lawmawm a tih thu sawiin, ama tan pawh chona leh phurna nasa lehzual siamsak tu a nih thu a sawi a. MPC Party nuaibo tumtu te laka Pathian kaihhruaina leh PC member rinawm tak takte thawhrimna avanga humhimna nasa tak an chan thu te sawiin, “Kan ram leh mipui tan theihtawp chhuahin hmalam panin ke kan pen zel dawn a ni,” a ti. MPC President chuan MNF leh Congress sawrkar kalta ten kum 36 zet min hruai dan leh awp dan han thlirletin kan ram chu kawng engkimah, \huanawp leh harsatna hnuaiah kan awm mek tih hai rual a nih loh thu sawiin, ramri venhim tur chin kan hre thei lo te, ILP hmang chunga vai an rawn luh dan te leh kan rama ramdang mi an lo luh \hin dan te ngaihtuahin Citizenship Amendment Bill kan lo hmang lawk tawh ni bera a lan thu a sawi a. Mizoram dinhmun chu a derthawng kual vel vek niin a sawi bawk.
Nimin a MPC Executive Meeting chuan Citizenship Amendment Bill-2016 in Mizoram a huam ve loh nana Home Ministry-a Memorandum an thehluh chu chak taka bawhzuia nawr hlawhtling ngei tura Mizoram sawrkar an phut thu Resolution siamin an pass a. Anmahni duh thu ngeia Mizoram chhuahsana Tripura-a awm Bru ten Tripura-a awmhlen duh zawka \an an khawh tlat pawh awm an tihpui thu sawiin, Mizoram sawrkarin Tuikukte duhlo chung hruaikir tuma hma a lakna chu tawpsan tawh mai se an duh thu pawh sawiin, Kum 30 chuang State puitling kan nih tawh hnuah pawh kawlphetha siamna remchang leh \ha tak kan neihte hlamchhiah a nih avanga chhungtin leh mitin mamawh kan la in phuhruk zo lo fo mai chu vanduaithlak an tih thu Resolution siamin an pass bawk a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn