ZPM hruaitu ten thuthar thehdarhtute kawmin an hmalakna leh dinhmun an hrilhfiah

Zoram People’s Movement (ZPM) chuan 'Kalphung Thar Vangpui Fehchhuah' an neih mekah Serchhip District chhunga khaw \henkhat fangin nimin khan Serchhip-a thuthar thehdarhtute kawmin an dinhmun hrang hrangte a sawi.
Nimin-a Jemela Hotel, Serchhip-a thuthar lakhawmtute an kawmnaah hian ZPM Vice President, Lalthansanga (Chatea) chuan ZPM chu Party tharlam tak an nih thu sawiin, Registration an tih fel hnuah hruaitu hrang hrangte insiamfelin tunah chuan a tlangpui an inrem zo tawh tih a sawi a. Mizoram mipuiten an duh ang sawkar kalphung thar an neih theihna turin ZPM chuan theihtawp a chhuah mek zel thu sawiin, tun a\angin Kalphung thar beihpui thlakin khawtin fan chhuah an tum thu sawiin, an MLA te pawh he beihpuithlak hian an zin chhuah mek thu sawiin, inthlanpui neih leh turah ZPM chu sawrkarna siam tura mipuiten an duh nia a lan thu leh hei vang hian an MLA te chungah pawh harsatna siamsak an ni tih a sawi a. Ruling party-in pressure na tak an siam avangin Speaker chuan an MLA te telna Legislature Party pawhin ZPM hming an put chhunzawm theih dawn loh thu a hrilh nia sawiin, hemi chungchangah hian Court-a kalte pawh a la ni zel mai thei tih a sawi bawk.
ZPM Vice President chuan sawrkarna chang tawhtuten Hnam damna tura hna an thawh loh avangin kan chhehvel hnamdang lakah pawh kan huaisen thei tawh lo tih a sawi a, kan \henawm State-ten kan ramchhunga hma an rawn lak pawhin engtinmah kan tilet ngam tawh lo tih sawiin, Mizo Nationalism kengtu nia insawia kan hnam aiawh inti, sawrkarna siam mektuten Mizoram-a foreigner an awm an hrelo te chu a mak a, hnam lungphum an tinghing tih a sawi a. ZPM chuan Nationalism chu an kengkawh tlat dawn tih sawiin, ei leh bara intodelh a, kan hnam chu hnam huaisen leh zahawma siam leh turin kalphung thar an kalpui dawn tih a sawi a, MPC Party chu an thawhpui ten lalna leh thuneihna channa atan chauh an duh nia sawiin, Brig. T.Sailo policy chu ZPM a\anga tihhlawhtlin theih a ni dawn avangin MPC-a la awmte pawh ZPM-a fatu hna thawk tura lut turin a sawm bawk. An party kalphung pawh political party danga party President te leh Chief Minister-ten thuneihna tawp an nei nghal ang ni lovin an kalpui dawn tih a sawi a, tunah hian an party dân pawh an duang mek tih a sawi bawk.
He hunah hian ZPM Treasurer, C. Lal\anpuia pawhin  MNF ten Union Home Minister, Amit Shah chu an hlau lutuk nia sawiin, invenna tel lovin sum an hmang nia a lan thu leh hei vang hian sum hmuh loh an hlauh lutuk avangin an hlau nia a hriat thu a sawi bawk.

Comments

Popular posts from this blog

PAN CARD an tih teh fo hi - Laldinpuia