Latest News

Zirna \ha leh tluantling nei turin inpekna \ul ti

School Education Minister, Lalchhandama Ralte chuan zirna \ha leh tluantling nei turin in-pekna a pawimawh a ni, a ti.
Mizoram-a High School Zirtirtute intelkhawmna pawl, Mizoram Secondary School Teachers’ Association (MISS-TA) Annual General Conference 2019 nimin-a Synod Conference Centre Aizawl-a neih a hman-puina ah he thu hi sawiin School Education Minister chuan kan ramin a mamawh Quality Education pe turin a chherna pum chu zirna In a nih thu leh zirna \ha leh tluantling nei turin inpekna a pawimawh thu a sawi a. Zirna In \ha nei turin punctuality ngai pawimawh tura zirtirtute chu chahin, zirtirtu dinhmun zahawm tak vawng nung leh turin zahawm taka inthuam turte, sawr-kar hnathawk dang aia an ropuina leh zahawmna vawng nung turte, zirna leh a environment-in hma a sawn theih nan puanven sawi chhing turte in a sawm a, “Zirna kawngah rahbi kan rah dik chuan kan ramin kawng dik a zawh ang, a khawl-pui ber a chhiat erawh chuan awmzia a awm lovang, kan ram kan hnam a dam nan zirna ah \an kan lak a ngai a ni,” a ti.
School Education Minister chuan Mizo-ram sawrkarin thla 9 chhungin zirna kawngah thil tam tak a ti hman tih pawh sawiin, hnalak kalpui mek MR teacher 881 te, IV Grade 54 te bakah High School Headmaster post 76 hnawh-khah tur a awm thu a sawi a, tunah hian High School zirtirtu post ruak 273 hnawhkhat turin DP&AR ah buaipui leh mek tih pawh a sawi a. Mizoram Education Service chu sawrkarin a vei hle tih pawh sawiin, “Service mumal kan neih loh avang hian Inspecting-ah indaihlohna a lian hle a, Transfer & Posting Rules pawh Assembly Session a pass turin buaipui mek a ni a, chinfel thuai anih theih nan sawrkarin ke a pen mek a ni,” a ti bawk.

Comments

Popular News (Last 30 Days)