MPC in Mizoram sawrkar an phut thu tarlang

MPC party chuan nimin khan Aizawl-ah Office Bearers Meeting neiin hmalakna turte an rel bakah Resolution pathum (3) an pass bawk.

Nimin-a MPC Party Office Bearers Meeting hi an President, Lalhmangaiha Sailo chuan kaihruaiin Resolution an pass zingah Bangladesh a\anga Foreigners (Chakma) a ruka Mizorama lo lut \hin te dapchhuak a, ngawrh taka thawn kir hna thawk thar leh tur leh Tlabung khaw chhehvela Dan lova Chakma ten khua an din Vawiin thlenga inbenbel nana an la hman chu a rang thei ang bera \hiat ngei tawh tura Mizoram sawrkar an phut thu an tarlang.

Hei bakah hian MPC Party chuan Mizoram leh Assam ramri chungchang ah State pahnih te buaina kal zelah huaisen taka kan ramri chin humhalha tih takzeta tun hma aia nasa zawka ke pen tura Mizoram sawrkar an phut thar leh thu pawh tarlangin, Tuikuk (Bru) anmahni duhthu ngeia Mizoram chhuahsan te Mizoram sawrkarin an ham\hatna tur thil chi hrang hrang ruahman sak a, vawiriat lai hruaikir tuma a hmalakna duh lova Vawiin thlenga Tripura a la khawsa te, Mizoram sawrkarin hruaikir leh ngei tuma a hmalak thar lehna pawh an la duhlo fo a, a la hlawhchham zel a nih chuan Mizoram Sawrkar in hruaikir a tumna hi tawpsan tawh mai se tih chu an duhdan a ni tih an tarlang bawk.