Rualbanlote tana hmalak dan tur sawihona neih a ni

Zoram Entu Pawl (ZEP) in rualbanlote chhawm-dawlna kawnga hma an lakna, Community Based Rehabilitation for Person with Disability Project an kalpui mekah nimin khan an hmalakna thlirletna leh hmalak zel dan tur sawihona an buatsaih.

Serchhip P&E Veng St. John the Baptist Hall-a he sawihona hun hi ZEP CBR Coordinator, CH. Lalrinhlua chuan kaihruaiin Fr. Lawrence Kennedy, Director ZEP chuan inlawmna thu sawiin he hun an buatsaih chhan te a sawi a, ZEP chuan rualbanlote tan Aizawl leh Serchhip District-ah hma an lak thu sawiin, rualbanlote hian hma sawn duhin anmahni leh chhungkua in hma la mah se khawtlang in hma kan lakpui an mamawh thu leh a \ul thu a sawi a. Serchhip-a he an hmalakna ah hmasawnna tam tak awm mah se hmabak tam tak ala awm thu a sawi a. He huna tel te chu ngaihtuahna uluk taka senga ruahmanna \ha tak siam turin a chah bawk.

He hun hmanna ah hian ZEP a thawktute bakah rualbanlote buaipui tura pawl din te, Orphanage Home a thawk te leh NGO aiawhte an tel a, Serchhip-a ZEP in Serchhip-a CBR Project an kalpui, kum 2015 a\anga kumin May thla thleng, kum 5 chhunga an hmalakna tarlan niin hemi chhung hian Chhingchhip a\anga Bung-tlang thlenga khaw 15-ah hmalak a ni a, hemi chhung hian rualbanlo zawnchhuah hna thawh ah rualbanlo mi 370 hmuhchhuah niin khaw hrang hrangah hian anmahni buaipuitu turte pawh din a ni a. Heng baka an hmalakna te pawh tarlan niin rualbanlote hriselna dinhmun enfiah \hin a nih thu te, an mamawh hmanraw hrang hrang sem \hin a nih thu te, zirna kawngah hma an sawnna tura hma an lakna te, rualbanlo ten an theihna zawna eizawnna an neih theihna tura thiam thil zirna buatsaih \hin a nih dan te tarlan a ni a, heng an hmalakna te hi \ha an tih thu sawiin, kum 2 lo awm leh tur, 2020-2022 chhunga hmalak dan turte pawh an duang nghal bawk a ni.