RD Minister in Champhai ah SARAS Fair a hawng

/
Regional Sales of Rural Artisans Society (SARAS) Fair-2019 chu nimin khan Champhai ah neih \an niin RD Department changtu Minister, Lalruatkima chuan he Fair hi a hawng a ni.
Vanlallawma Indoor Stadium (VANIS), Kahrawt Champhai-a SARAS Fair hawnna hunah hian RD Minister, Lalruatkima chuan SARAS Fair buatsaih \hin chu Sawrkar laipuia Ministry of Rural Development hmalakna pakhat, thing-tlanga chengte thil siamchhuah pholanna leh chawi-sanna tura duan hun pawimawh tak a ni tih sawiin, India ram pum ang pawhin ngaihhlut a hlawh hle tawh a, he hun hlu tak chhim tur hian India ram mai bakah rampawn lam a\ang te thleng pawhin mi tam tak an lo kalkhawm \hin thu a sawi bawk.
RD Minister chuan Mizote chu hotute thu ngaichang thiam leh a huhova hnathawk thiam tak kan nih thu sawiin, Self Help Group (SHG) dina intelkhawm kan thiam thu leh thawh-hona rah chu hmasawnna dang ang lo takin a lang nghal mai \hin loh avangin member-tin ten thawhhona \ha, rinawmna, beih hram hramna, tumruhna leh taimakna vawn tlat a \ul thu a sawi bawk.
Sales of Rural Artisans Society (SA-RAS) FAIR hi Ministry of Rural Development Govt. of India chuan India ram State tina SRLM te buatsaih turin a beisei a. SARAS Fair hi Mizoram-ah kum 2015 a\ang khan hman \an a ni a, Champhai bakah hian kumin December hian Aizawl a neih tura ruahman a ni bawk. Cham-phai-a SARAS Fair-ah hian Mizoram hmun hrang hrang a\angin Self Help Group Member 100 an tel a, Stall 50 awmin, District 5 a\anga RD Block 14 te an tel thei a. October ni 29 a\anga November ni 8, 2019 thleng SHG te thil thar leh siam chhuah \ha tak takte he hunah hian lei theih a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »