Sawrkar insawifiah turin ti

Ramngaw leh hmun humhalh bik tih chereu chungchangah Mizoram sawrkar chu dan dinglai bawhchhiaah puh anih avangin National Green Tribunal (NGT) chuan insawifiah turin a hriattir.

NGT Eastern Zone Bench, Kolkata chuan Mizo-ram sawrkar chu notice pein Mizoram chhunga Riverine Reserve Forest huamchhunga LSC, periodic patta, VC pass leh a dangte pekchhuah chung-changah leh Forest Conservation Act 1980 hnuaia dan bawhchhia a puhna avangin insawifiah turin tuh thla ni 16 khan insawifiah turin a hriattir a. Center for Environment Protection (CEP) thuchhuah ah chuan Tlawng Riverine Reserve Forest huam-chhung ah sorkar laipui pawmpuina la hmasa lovin NIT hmun tur a sak thu leh Chalfilh tlang ah Mizoram Tourist Department in sawrkar laipui atanga pawmpuina a awm hmain tihchangtlun hna a thawh thu tarlan a ni.