Serchhip-ah National Wildlife Week hmangin ramsa humhalhtu mi 2 chawimawi an ni

National Wildlife Week vawi 62-na chu hman mek niin Serchhip-ah pawh nimin zing khan he Hapta puala hun hman niin nungcha humhalhtu Hriangtlang khaw mi pahnih te hnenah chawimawina hlan a ni.
Environment Forest & Climate Change, Serchhip Range buatsaiha National Wildlife Week puala inkhawm hi nimin zing khan Serchhip Chanmari Volleyball Court-ah neih niin he hun hi Chanmari Branch YMA President, Lalrinmawia chuan a kaihruai a, he hun hmanpuitu EF&CC Serchhip Range Officer, R. Rochhuma chuan Chanmari Branch YMA te nen hian ramngaw siamna leh humhalhna kawngah an lo thawhho tawh \hin thu sawiin, ramsa te pawikhawihna alo thlen ah deuhsawhna \awngkam an dawn \hin laiin heng ramsa te hi mitin ten kan ta leh kan humhalh tur zawk a ni tih kan hriat a \ul thu a sawi a. Heng ramsa te nen hian in mamawh tawn kan nih avang te, Pathian thu in humhalh tura min tih avang leh sawrkar thupek a awm avang te a humhalh a \ul thu sawiin, tuna YMA, Kohhran, khawtlang leh mimal ten kan humhalh aia nasa a humhalh a \ul thu a sawi bawk.
He hunah hian EF&CC Serchhip Range-a Forest Guard, Jacob Vanlalhumhima chuan he Ni puala thuchah sawiin mihringte leh ramsa te chu inlaichin leh inzawmna nghet tak nei kan nih avangin ramsa te humhalh kawngah kan \an tlan a \ul thu a sawi a. Ramsa humhalhna kawng ah sawrkar Department ten hma la \hin mah se a thawktu tak tak chu mipuite an nih zawk thu sawiin, Department mi te chu a kawng kawhhmuhtu leh a kaihruaitu chauh an nih thu a sawi a. India rama Wildlife Protection Act 1972 hnuaia ramsa humhalhna Dan te tarlangin, he Dan hi mipui ten kan la hre tawk lo nia a lan thu leh inzirtir zel a \ul thu a sawi bawk. Tunhma lam chuan Thingtlang mi ten ramsa te an ti chereu nasa tih pawh sawiin, tunah chuan khawpui mi ten hmanraw \ha zawk hmang leh intihhlimna atana hmangin ramsa te hi nasa takin an ti chereu tawh tih a sawi a, hei vang hian khawpui a cheng te zawk chu ramsa humhalh a \ul zia zirtir ngai an nih tawh zawk thu a sawi bawk.
Serchhip-a National Wildlife Week puala inkhawm ah hian Jerry Malsawma s/o C. Darmawia leh Lalhmingfaka s/o Lalpapuia, Hriangtlang khua ve ve te hnenah ramsa an humhalh avanga chawimawina hlan a ni a. Heng mi pahnih te hian kumin April ni 4 khan Serchhip leh Hriangtlang inkar Tuikum lui-ah Sakhi la (ala puitling chiahlo) hliam tuar chu chharin tihlum mai lovin khua ah hawnin he Sakhi hliam tuar hi an enkawl dam hnuah an chhuah leh a. Hetianga ramsa humhalha hma an lakna hi ropui an tih avangin chawimawina thuziak leh pawisafai Rs. 1000/- ve ve hlan an ni.

Comments

Popular posts from this blog

PAN CARD an tih teh fo hi - Laldinpuia