Naupang rukbo tum nia sawi Police ten chhui zui

Tunhnaia Serchhip District chhung Kei\um khuaa naupang rukbo tumna awm nia Social Media hrang hranga lang chu nimin khan Ser-chhip Police ten chhui zuiin mipui himna turin theihtawp chhuahin hma an la zui.
Thudawn danin Sept. 18, 2019 tlai khan Kei\um khuaa mipa naupang kum 10 mi chu Kei\um Community Hall-a Badminton an khel zo haw thil theihnghilh a neih avanga a let leh chu mi tu tih hriatlohin in lo manin a ka a hupsak hnuah Community Hall bula Lamkhuang kung-ah a phuar a, hemi hnu lawk hian helai hmuna midang lo kal chuan a phuarna chu phelhin In lama haw turin a ti leh nia sawi a ni a, he naupang chunga thil thleng hi sawichhuah ni lawk lo mah se tunhnaiah Social Media lama mi rukbo ching Mizoram-ah an rawn lut nia thu a than hnu tun Pathianni, Sept. 29, 2019 khan a unau te bulah leh Kei\um khawtlang hruaitute hnenah sawichhuah niin Kei\um JAC te chuan Serchhip Police Station-ah FIR an thehlut nghal a ni.
Serchhip Police te chu he thil thleng enfiah tur hian nimin khan Kei\um-ah hian an kal nghal a, he thil thleng tuartu nia sawi leh a chhungte te pawh hi kawm nghalin, he thil thlenna hi a rei deuh tawh avangin a mawhphurtu erawh hriat theih ni tawh lovin a \ul anga chhui zui tum a ni.
Hetihlai hian tunhnaia thuthang avang hian Police te chuan venhimna hna ngawrh taka thawkin, Check Post pawh siam belh a ni a, heng ah hian lirthei kal vel te uluk taka enfiah niin hnamdang rinhlelh te chu ILP te enfiah sak an ni a. Hetiang kaihhnawiha rinhleh te chu thuneitute hnenah a rang thei anga hriattir \hin turin mipuite chu an ngen bawk.

Comments

Popular posts from this blog

PAN CARD an tih teh fo hi - Laldinpuia