CAB duhlohna lo lantir

/

PRISM Party leh MPC Party te chuan Mizo-ram tlawhtu Union Home Minister, Amit Shah-a hmuh ah Citizenship Amendment Bill duhlohna lantirin Memorandum an thehlut tih an sawi.
Heng Party pahnih te hian Inrinni-a Mizoram tlawha rawn zin Union Home Minister, Amit Shah-a’n High Field a\anga Raj Bhawan a pan laiin Aizawl Treasury Square-ah Banner/Poster leh Placard te kengin kawngsir-ah Citizenship Amendment Bill putluh leh tum chu an duhlohna an lo lantir a. Party pahnih te hian CAB hi an pulut a nih pawhin North East state te min tel ve lo turin Memorandum an thehlut bawk a ni.

Hemi chungchanga thuchhuah an siam ah PRISM Party leh MPC Party chuan CAB an duhloh chhan chu India ram Danpui palzutna a nih bakah foreigner, danlo-a kan ram a chengte Sakhua avanga khua leh tui nihna pek an ni tur chu a ni tih tarlangin, keini ang state mihring tlem ah chuan hnamdang te khua leh tui nihna pek an nih chuan remna leh muanna thlengin a nghawng dawn niin an tarlang bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »