Asst. Director (F&D) sawn tum YMA in sut an duh

Serchhip Sub-Hqrs. YMA chuan Serchhip CMO Office-a Asst. Director (Food and Drug) a thlaktu tur awm lova sawn a ni chu an duhloh thu sawiin, a sawnna tura Order tihchhuah tawh chu sut leh turin thuneitute an ngen.
Serchhip Sub-Hqrs. YMA hian Inrinni tlai khan Serchhip Sub-Hqrs. YMA Office-ah SEC Emergency Meeting neiin tun thla ni 16-a Mizoram sawrkar in Serchhip CMO Office-a Asst. Director (Food and Drug), Sarah Laldintluangi amah thlaktu tur dah lova Siaha CMO Office-a awm tura a sawn chungchang hi an sawiho a. Hemi hnu a thuchhuah an siamah YMA ten Damdawi ruih theih (Schedule-H Drugs) do kawnga an thawhpui leh hmahruai tu, Sarah Laldintluangi Asst. Director, Food & Drugs CM0 Office, Serchhip chu Siaha-ah sawn (Transfer)-na tur Order October ni 16,2019 khan tihchhuah a ni tih tarlangin, mahni hlawkna chauh um-a dan kalha thil ti \hinte dova hma la ngam Officer fel tak a thlaktu tur dah lova sawn a ni chu an hrethiamlo tih an tarlang a. Serchhip District mipui ten ei tur thianghlim leh hrisel kan neih theih nana thawktu pawimawh leh awmchhun ni bawk hi a aiawh dah lova sawn chhuah tum chu pawi an tiin an ui takzet tih an sawi a. He Transfer order hi hnukkir tura Mizoram sawrkar chu ngenin an phut tih sawiin, CMO Serchhip pawh Asst. Director, Food & Drugs hi thu thar a awm hma chuan chhuah tir (release) lo turin an ngen thu leh Transfer order hi sut a nih loh chuan theih tawp chhuahin hma an la zui zel dawn tih an sawi bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn