Latest News

Mizoram Truck Owners’ Association (MTOA) leh Mizoram Truck Drivers’ Association (MTDA) chuan Vawiin thlenga Kawnpui leh Sairang inkar kawng chei\hat a nih loh chuan Truck lian te an tlan ngam dawnlo tih an sawi.
MTOA leh MTDA te hian nimin khan Joint Meeting neiin NH. 54 Kawnpui leh Sairang inkar kawng chhe chungchang a ngaihtuah a. Helai kawng chhiat chungchang hi vawi tam tak Mizoram PWD-ah an thlen tawh \hin thu leh tun Sawrkar tharah pawh hian Chief Minister hnenah pawh an thlen tawh thu an sawi a. Tunah hian a chhe satliah pawh ni tawh lovin Truck rit phur a tlu ta tawp tawp mai nia sawiin, Motor a chhiat nasat bakah a khalhtu mihring nunna atan pawh a hlauhawm tak avangin tlan ngamna chi-ah an ngai ta lo tih an sawi a. Oct. 16, 2019 thleng hian kutthlak a awm lo a nih chuan Oct. 17, 2019 a\ang chuan NH-54, Kawnpui leh Sairang inkarah hian Truck an tlan ngam tawh dawn lo tih sawiin, Mizoram-in nitin mamawh leh eibar kawngah harsatna a tawk a nih pawhin mawh an phur lo tih an sawi.
Hei bakah hian helai kawng siamtu Contractor hian a siam zawh a\anga kum engemawti chhung a enkawl zui tur nia an hriat thu leh he Defect Liability Period chhung hian contractor hian kut a thlak lo nia an hriat thu bakah a Security dah pawh kawng chhe siam nan hian hman a ni lo nia an hriat thu sawiin, “Kan thil hriat hi a dik a nih chuan a theih anga ranga hma min laksak nghal turin Sawrkar kan ngen takzet a ni,” an ti bawk.

Comments

Popular News (Last 30 Days)