Zirtirtu ten hna zawm mek

Mizoram sawrkar in Muster Roll-a thawk tur Zirtirtu a lak te chuan Engagement Card la-chhuak mekin ni 15 chhunga an hna zawm tura tih an ni a. Hetihlai hian Serchhip District-a Zirtirtu lak tharna a result siam tawh ah tih danglam a awm hriat a ni lo.
Mizoram-a Primary School leh Middle School-a Zirtirtu indaihlohna phuhrukna tura Muster Roll-a thawk tur Zirtirtu 881 laknaa tlingte hming hi September 20, 2019 khan School Education Department website-ah tihchhuah niin MNF Treasurer, Vanlalzawma chuan September 23 khan Mizo Hnam Rûn-a thu a sawinaah, Chief Minister nen an inbiakna ah, 'Zirtirtu MR lak result tihchhuah chung-changah, School Education Minister chu phai lama a zin a lo haw mek a, a lo haw hunah thil fel tâwk lo leh siam\hat ngai chu a \ul angin hma kan la ang,' tiin a puang a. Zirtirtu atana lâk tharte'n hun engemaw chen Engagement Card an hmuh loh hnuah, zirtirtu lak hna hi zawhfel niin tunkar Nilani a\ang khan a tlingte chuan SDEO Office a\angin Engagement Card hi an lachhuak \an a. Oct. 16 a\anga ni 15 chhunga Engagement Card hi lachhuakin an thawhna turah Joining Report an pe anga, hemi chhunga Joining Report hi an pe lo a nih chuan an hna hi zawm duhlo a ngaiin Panel List ami dahkhah an ni thei dawn a ni.
School Education Minister, Lalchhan-dama Ralte chuan, zirtirtu Muster Roll (MR)-a thawk tur lak thara chinfel ngai chinfel ah hian a tira result tihchhuaha tling zinga pali (4) te chu paih an ni tih sawiin, a bak dang chu October ni 15 khan appointment letter pek chhuah an nih thu a sawi a. Serchhip District-a Education Department hotute chu kan Palai in biain, Serchhip District-a MR a thawk tur Zirtirtu lak hna hi uluk tak an buatsaih thu leh tuna ennawn a nih hnuah tih danglam a awm an hriatloh thu sawiin, PwD tana hnaruak pathum hauh ah a tling mi 2 chiah an awm avangin pakhat chu an hnawhkhat lo tih an sawi bawk.

Comments

Chhiar Hlawhte