MYC Chairman in 'HYVE Aizawl City Hall' a hawng

Mizoram Youth Commission (MYC) Chairman, Dr.Vanlal\anpuia chuan Inrinni tlai khan Aizawl-ah Multipurpose Hall thar, 'HYVE Aizawl City Hall' chu hman theih turin hawng.

'HYVE Aizawl City Hall' hi Mizo zaithiam lar leh Event Management lama sulhnu nei \ha tak, Henry Varte siam a ni a. He Hall hi Multipurpose Hall tura duan, Hall zau nuam \ha tak leh Dining Room \ha tak bakah Karaoke Room te nena thuam a ni a. Event hrang hrang buatsaih theihna tur hmun niin JL Building, Tuikual South; Directorate of Transport building bula awm a ni.

'HYVE Aizawl City Hall' hi Ribbon chep chata hawngin MYC Chairman, Dr. Vanlal\anpuia chuan Mizo \halai ten a \ha zawnga changkanna kawngah hmasawnna kawng an zawh zel chu thil lawmawm tak a ni tih sawiin, Mizoram Sawrkar leh Mizoram Youth Commission (MYC) pawhin ruahmanna mumal tak neiin, Youth Development Programme hrang hrang tihhmasawn kawngah theihtawp an chhuah zel dawn a ni tih a sawi a. Mizo \halai ngeiin Multipurpose Hall \ha leh changtlung, Mizo mipuiin \angkai taka an hman theih tur a buatsaih thei te chu lawmawm a tih thu sawiin, Mizo \halaite hmasawnna pakhat a nih thu a sawi a. Mizo \halaite chu mahni theihna leh thiamna zawn \heuhah mahni ke a ding thei ngei tura inchherhriam zel turin a chah bawk.