Education Minister in MSU Assembly hmanpuiin Education-a harh tharna kan mamawh thu a sawi

Mizo Students' Union (MSU) General Assembly vawi 18-na Bairabi-a neih chu School Education Minister, Lalchhandama Ralte chuan nizan hmasa khan hmanpuiin kan ram hian Education-a harh tharna kan mamawh tih a sawi a. LAD Minister K. Lalrinliana pawhin zirlaite chu intodelhna kawngah rual el turin a chah bawk.

MSU General Assembly-ah hian School Education Minister, Lalchhandama Ralte chuan kan ram hian hmalam a pan zel theih nan khawtlang nu leh pate leh zirlaite kan zavaiin kan \an tlan a ngai a, zirna hian kan Society-ah hmun sang ber a chan a ngai a ni, a ti a. Zirna hmun ngaih pawimawh leh vawn zahawm kawngah te, zirtirtute inthlahdah leh thlahdah loh kawngah te pawh khawtlang nu leh pa te hian tun ai hian ngaihven ila, chu chuan kan ramah Education revival a thlen thei dawn a ni, a ti. Mizote hian talent kan nei \ha tih pawh sawiin Education Minister chuan, India ramah pawh skill nei \ha pawl tak kan nih thu a sawi a. “Amaherawh chu kan skill hi engatinge sang takah kan vawrh theih loh?” tiin Mizo zirlaite chu puanven sawi chhing turin a sawm a. “Kan ram kan hnam a him zel theih nan kan \halaite hian kan thinlungah Mizo Nationalism hi a lailumah kan dah a pawimawh a. Keimahni theihna zawn \heuhah Hnam-ah kan chian a ngai a, naupang zirlaibu-ah pawh a theih chin chinah telh kan tum dawn a ni,” a ti bawk.
He hunah hian khual Zahawm, Lalrinsanga Ralte MLA pawhin kan ramah hian All India Service-ah Mizo kan awmloh hun a thleng thuai dawn tih sawiin, “Nationalism hi sawi sawi mah ila, sawrkar ki pawimawh ah hnamdang an awm fur chuan nationalism sawi sawi hian awmzia a nei lo thuai dawn. Chuvang chuan Mizo \halai ten zirna-ah \an kan lak a ngai a ni,” a ti a. Hlawh-tling turin thil pathum - tumruhna, taimakna leh mahni inhneh zel theihna a pawimawh tih a sawi bawk.
MSU khawmpui hi nimin khan chhun-zawm niin LAD Minister, K. Lalrinliana chuan khuallian niin a hmanpui bawk a, he hunah hian LAD Minister chuan zirlaite chu intodelhna kawng ah rual el tura chahin, “Eng hi nge kan ram in a mamawh tih hre turin ngaihtuahna hmang ula, kan ram chhung ngeia kan intodelhna tur khawp Pathian in min pekte hi i hai chhuak teh ang u,” a ti bawk. MSU khawmpui hi nizan khan \iakin P&E Minister, R. Lalzirliana chuan a hmanpui a ni.

Comments

Popular posts from this blog

PAN CARD an tih teh fo hi - Laldinpuia