DPRC in ruihhlo \hatloh zia zirhona buatsaih

District Panchayat Resource Centre (DPRC) Serchhip buatsaihin Vawiin khan Serchhip-ah nikhat awh ruihhlo leh a kaihhnawih chi hrang hrang \hatlohna zirhona chu neih a ni.

DPRC Conference Hall, Serchhip Tarpi Tlang-a ‘One Day Awareness Programme/Workshop on Drug Abuse for Panchayati Raj Functionaries’ hi DPRC Serchhip-a Head Faculty, R. Vanlalhruaia chuan kaihruaiin Ministry of Social Defence in District tinah hetiang hun hi buatsaih tura a tih anga he hun hi buatsaih a nih thu sawiin, kan khawtlang-ah zu leh ruihhlo hluar leh pung zel tur venga a bawih-a tang tawh te chhanchhuah hna thawh a pawimawh avanga hetiang hun hi buatsaih a nih thu a sawi a. Kum 2004-a tichhuah zirchianna in a tarlan danin India rama ruihhlo in a tihbuai mi 722,00,000 vel zet awm anga chhut a nih thu a sawi bawk.

He Training-ah hian Serchhip District chhunga Village Council te tana thawktu sawrkar Department te a\angin DRDA Office, DLAO Office leh BDO Office a\angin thawktu mi 30 vel an tel a, heng mite hi Dr. Lalhlunpuii, Medical Officer chuan Zu leh ruihhlo chi hrang hrang leh a ngawl vei theih dan leh chhanchhuah dan te zirtirin Serchhip District Hospital FTI-a Counselor, F. Lalrindiki chuan HIV/AIDS chung-chang a zirtir a, Course Director, R. Vanlalhruaia chuan zu leh ruihtheih thil dona kawnga khawtlang hruaitu leh mipuite mawhphurhna hrang hrang a zirtir bawk a, sawihona hun hman a ni bawk.