Drug Testing Laboratory sakna tur lungphum phum

Health Minister, Dr. R. Lalthangliana chuan nimin khan Mizoram New Capital Complex (MINECO)-a Mizoram State Drug Testing Laboratory sakna tur lungphum a phum.

Mizoram State Drug Testing Laboratory sakna tur lungphum phumna puala inkhawm neih ah Health Minister, Dr. R. Lalthangliana chuan Mizoram State Drug Testing Laboratory chu Mizoram tan thil hlu tak a ni dawn tih sawiin, khawvel a changkan chhoh ang zelin Mizote pawhin ei leh in pawh kan ulukin kan fimkhur sawt tawh hle a, damdawi ei chungchangah pawh kan fimkhur sawt hle tih a sawi a. Sawrkar laipui pawhin damdawi \ha leh \halo hriatna tur Drug Testing Laboratory siam hi a ngaipawimawh hle a ni, a ti a. Dam-dawi company lar tak tak leh \ha tak tak ni a kan hriat te pawh an damdawi siamchhuah te a him leh himloh endik a \ul chang a awm \hin tih sawiin, heng bakah hian Mizoram chhunga ei leh in tur kan siamchhuahte leh Mizoram pawn a\anga ei leh in tur kan lakluh te pawh mipuite tan a him leh himloh awlsam tak leh rang takin kan hre zung zung thei tawh dawn a, Guwahati-a a sample thawn a hun engemaw chen a result nghah ngai \hin kha kan pumpelh thei dawn tih a sawi a. “Damdawi leh ei leh in te a zavaia test a harsa a nih pawhin a rinhlelhawm chin chu test vek kan tum dawn a ni,” a ti bawk.

Cheng nuai 300 senga sak tur Mizoram State Drug Testing Laboratory hi MINECO ah awmin Mizoram Pollution Control Board (MPCB) Office panna peng, kawngpui an-ah sak a ni dawn a, a sa tur hian Mizoram Technocrats Company Pvt. Ltd. te thlan an ni a, thla 18 chhunga sak zawh tura ruahman a ni.