Mizoram District khawpui fai ber atan Serchhip khawpui thlan a ni

Mizoram sawrkar in Mizoram-a khawpui fai inelna a buatsaih lawmman semna chu nimin zing khan Aizawl-ah neih niin Serchhip chuan District khawpui fai ber lawmman a dawng.

Mizoram sawrkar in UD&PA Department leh leh PHE Department kaltlanga Mizoram-a khaw fai inelna a buatsaih a lawmman semna hi nimin zing khan Aizawl Vanapa Hall-ah neih niin Chief Minister, Zoramthanga chuan heng lawmman te hi a sem a, District Hqrs. 8 zinga khawpui fai ber lawmman chu Serchhip Town chuan dawngin pawisafai Rs. 1,00,000, Memento leh Certificate hlan a ni a, lawmman pahnihna chu Lunglei Town in dawngin Rs. 80,000, Memento leh Certificate hlan an ni a, lawmman pathumna dawngtu Kolasib Town hnenah Rs. 40,000, Memento leh Certificate hlan a ni bawk.

District khawpui nilo khawpui dang (Urban Town) fai inelna ah Biate in lawmman pakhatna dawngin Rs. 1,00,000, Memento leh Certificate leh hlan an ni a, Zawlnuam chu pahnihna niin Rs. 80,000, Memento leh Certificate hlan an nih bakah pathumna Thenzawl chu Rs. 40,000, Memento leh Certificate hlan an ni bawk. District Hqrs. leh Town dang khaikhawmna ah Biate chu khawpui fai berah thlan niin cheng nuai khat an dawng a. Pahnihna chu Zawlnuam niin pathumna chu Serchhip a ni a, cheng 10,000 leh Certificate siam a ni bawk.

Heng bakah hian Swachh Bharat Mission (Gramin) hnuaia PHE Department kaltlanga Mizoram District hrang hranga khawfai thlanchhuah te hnenah pawh Rs. 20,000/- \heuh hlan niin Serchhip District a\angin Hmun\ha khua chuan lawmman hi an dawng a ni.

Serchhip District Bawrhsap, Sangchhin Chinzah chuan hetianga Serchhip in Mizoram District khawpui fai ber lawmman a dawng chu lawmawm a tih thu nimin-a Govt. Midland M/S Golden Jubilee lawmna a hanpuina ah a sawi a. Kum 2 kalta ah khan Serchhip chuan 6-na dinhmun a hauh phak chauh thu leh an lungawiloh thu sawiin, mipuite \anrualna avanga nikum-a lawmman pahnihna an dawn hnuah kumin a lawmman pakhatna kan dawng thei chu lawmawm a tih thu pawh sawiin, hemi atana tha thawhtu zawng zawngte chungah lawmthu a sawi bawk.

Khaw fai thlanchhuah te lawmman hlanna hunah hian Chief Minister, Zoramthanga chuan Gandhi a piancham behchhana faina lama hmalakna chu thui tak kalpui tawhin, chhunzawm zel a nih tur thu a sawi a. Chumi bakah tui thianghlim mipui mamawh tawk neih chu sawrkar laipuiin a ngaipawimawh thu sawiin, Jal Shakti Ministry chuan state tin te project siam tura a tih thu a sawi a. Mizoram sawrkar pawhin hnianghnar taka mipuiin tui thianghlim an neih theih nan \ha zawka van ruahtui dawh a khawlkhawm dan te ngaihtuahin hma a lak mek thu a sawi bawk.