YMA in \halo an tih thu sawi

Serchhip Sub-Hqrs. YMA chuan ‘Serchhip a Health Department Officer Transfer chungchanga sawrkar leh YMA inkar boruak awm mek hi’ thu darh chiam chu \ha an tih loh thu an sawi.

Hemi chungchanga nimin-a thuchhuah an siamah Serchhip Sub-Hqrs. YMA chuan Serchhip CMO Office-a Asst. Director (Food and Drug) Transfer-na Order sut tura Mizoram sawrkar an ngenna ah sawrkar in an beisei anga hma a lak sak mek lai leh sawrkar leh a changtu Minister te chunga lawmthu an sawi mek laia Social Media lamah a ziaktu pawh tarlang lova, ‘Serchhip a Health Department Officer Transfer chung-changa sawrkar leh YMA inkar boruak awm mek hi’ tih hmanga thu thehdarh a ni chiam mai chu pawi an tih thu leh hei hi YMA thuchhuak a ni lo tih an sawi a. Hetianga an hmalak mekna behchhana mi \henkhat ten Kohhran pakhat hming tarlanga thu thehdarh a ni hi YMA chuan \ha a ti lo takzet tih sawiin, “Hetianga thuziak, a ziaktu pawh hriat loh hi kan lo hmu a nih pawhin thehdarh zui lo turin Serchhip Sub-Hqrs. YMA chuan mipuite a ngen tak meuh a. Hetiang thil hi tun hnuah chuan thleng tawh lo a duh takzet a ni,” an ti bawk.