Lok Ayukta \hiah a nilo - MNYF

MNF |halaite chuan MNF sawrkar chuan Lok Ayukta chu a \hiat loh tih sawiin, a ti chang-tlung sauh sauh zawk a ni, an ti.
Nimin a thuchhuah an siamah MNYF chuan tunkar Thawh\anni a ZPM Chhung Inkhawm-ah an General Secretary in MNF sawrkarin Lok Ayukta \hiat anga a sawi chu thil a hriat chianloh vang emaw, hre reng chunga mipui hruai sual a tum vang emaw a nih an rin thu tarlangin, party hruaitu meuh chuan thil awmzia hre chianglo leh thu dik tawk lo thehdarh tawh lo tura an duh thu an tarlang a. Kum 2013 khan Lokpal Act hi pass a nih thu tarlangin, “January ni 1, 2014 a\anga he Act hi hman \an tura tih niin, Lokpal Act hman \an a\anga kum khat chhungin state tinte Lok Ayukta din vek tura tih a ni bawk,” an ti a. “Sawrkar hmasa Congress sawrkar khan an sawrkar chhungin an tihlawhtling hman lova, MNF sawrkar thar erawh chuan sawrkarna a chan a\anga thla hnih chhungin Lok Ayukta hi a peihfel hman a ni,” an ti a. A tirah Law Department chu Nodal Agency niin, buaipui tur \ul zawng zawng buaipui fel a nih hnuah a hnathawh hmang (nature of works) leh mawhphurhna (duties)-te avangin Nodal Agency-ah Vigilance Department hi dah a ni ta zawk niin an tarlang bawk.
Hei bakah hian MNF |halaite chuan Mizoram sawrkarin Lok Ayukta hi a \hiat lova, mumal taka a kalna tur leh changtlung taka hna thawh a nih theihna turin hma a la chho zawk a ni tih ZPM te chuan lo hria se an duh thu pawh an thuchhuah ah hian tarlangin, “Lok Ayukta hi sual hnu chhui leh zir chiangtu tur leh a \ul anga Court-a thehluttu tur an nih angin, Vigilance Department hi a Nodal Agency a ni lo thei lo,” an ti a. Inthlan hmaa an lo tlangaupui angin Lok Ayukta hi hman \an a nih thu leh tunah hian hna a thawh tur angin a thawk tawh nghe nghe tih an tarlang bawk.

Comments

Chhiar Hlawhte