RD Minister in Loan pekchhuah runpui a hawng

Ni 2 chhung awh tur Aizawl khawpui chhunga Bank hrang hrang 29 intelkhawmin a buatsaih Loan pekchhuah runpui, Grahak Mela Phase-I (Loan Mela) chu nimin khan Rural Development Minister, Lalruatkima chuan Loan mamawhtute dawr theih turin a hawng.

Kulikawn YMA Hall-a Grahak Mela Phase-I hawngtu RD Minister, Lalruatkima chuan hmasawnna atan Loan \angkaina te sawiin, ruahmanna fel tak nei chunga Loan puk chu eizawnna kawnga dinchhuahna a ni, a ti a. Loan la zingah dinchhuahpui tam tak an awm thu leh loan puka mawhphurhna hria an tam laiin loan rul \halo an awm \hin chu inenfiah ngai lai a ni tih a sawi a. Loan rul \halo te avangin Bank ten loan pek chhuah kawngah harsatna an nei \hin a. Hei hian mi tam tak loan hmanga bul\an tum te a dang bet \hin a ni, a ti.

Loan Mela hawnna ah hian RD Minister hian Loan Sanction Letter peihfel sa - SBI a\angin 160, Mizoram Rural Bank a\angin 10, Bank of Baroda a\angin 3, Canara Bank a\angin 3, Bandhan, UCO, Federal Bank leh Central Bank a\angin pakhat \heuh chu Customer te hnenah a semchhuak nghal a. Hawnna hun buatsaih zawh hian Loan Mela hi kalpui \an niin Grahak Mela Phase-I (Loan Mela) chhung hian Kulikawn YMA Hall chhawng hnuaiah Bank 29 a dawhkan an hung a, Home Loan, Car/Auto Loan, Agriculture Loan, Education Loan, MSME Loan leh Personal Loan te mahni document leh bank document pawimawh te kengin ngaihven theih a ni.