Brig T.Sailo thlarau an zah vanga ZPM niin sawi

ZPM Vice President, Lalthansanga (Chatea) chuan Brig T.Sailo thlarau an zah avanga ZPM-a inchhunglut an nih thu a sawi.
Nimin a ZPM in Aizawl-a an Office-a Chhung Inkhawm an neih ah ZPM Vice President, Lalthansanga hian thu sawiin Economic development hmanga kan ram kum 20 chuang minlo kaihruai tawhtute chuan kutdawh hnam ah min chhuah nia sawiin, “A kum telin BPL kan pung tual tual zel a, kan retheihna denchhenin kan \henawm State a\angin min rawn nuthuri zuam zo ta a ni,” a ti a. “Kan dinhmun alo ngial ngheh nan NLUP ah Crore an hmang a, kan ram chu kan lo rethei zual sauh ta zawk a. Kan dinhmun alo ngial ngheh zawk nana Bairabi Hydel Project sawrkar hmasa-in alo ruahman tawh pawh ti zawm duh lovin an hlamchhiah zui a, Bairabi Hydel Project kha ruahman ang chuan kalpui nise, kum 1993-ah Commission anih loh pawhin kum 1996-ah chuan Commission theih ngei tur a ni a, sum ngai zat tur pawh cheng vbc. 238 vel tur a ni a, NLUP a khatiang zozai luangral kha, Bairabi Hydel Project atan a hman nita zawk se, kan ram chu a zia ngawt ang,” a ti.
ZPM Vice President chuan Brig T.Sailo-a Policy tih hlawhtlin theihna awmchhun Party anih avangin thinlung takin ZPM-ah an awm tih sawiin, “Kan lo sawrkar pui tawh te kha chuan Lalna leh thuneih duh avangin min thawhpui mai \hin zawk a ni. Zoram tluchhe mek tun din leh nan Zoram mipui zawng zawng te ZPM a lo tel zel turin kan sawm a che u,” a ti a. Kalphung thar sawrkar-in Mizoram a kaihhruai dan tur chu, Nationalism leh Economic Development in tluk rialin a ni tih pawh sawiin, Sawrkarna chelh tawh ten heng hi a mal mal a an kalpui \hin avangin kan hnam dinhmun chu tih derthawnin a awm mek niin a sawi bawk.

Comments

Popular posts from this blog

PAN CARD an tih teh fo hi - Laldinpuia