Diesel thawnkir a ni

/
Serchhip-a IOC Petrol Pump-a dah tura Diesel rawn thleng, tun thla tira a nih tur ang nih loh avanga man chu IOC Silchar Retail Division Office lamah thawn let a ni.
M/S PB. Lalzui-thanga Filling Station, Serchhip-a Diesel dah tur Tank Lorry (MZ-01 K-7854) in a rawn phurh hi tun thla ni 2 khan Serchhip-a Legal Metrology Enforcement Staff te chuan enfiahin an zuk lakna (Depot)-a density leh helai hmuna density enfiah ah a inthlauhna +emaw, -emaw 3.0 aia hniam emaw, sang emaw tur a nih loh laiin +4.2 vela a inthlauh avangin man a ni a, Essential Commodities Act-1955 Sec. 3 hnuaiah thubuai siam sak niin District Bawrhsap hnenah an thlen nghal a ni.
Serchhip District Bawrhsap chuan he Diesel hi Dan anga enfiah lehin Legal Metrology Enforcement Staff te enfiahna hi a dik tih finfiah a nih hnuah he Diesel hi Serchhip leh District chhungah hralhchhuah phal lovin niminpiah khan IOC Silchar Retail Division Office-ah a \ul anga hma lak turin thawnkir a ni ta a ni. Hetihlai hian Serchhip Petrol Pump-ah hian Petrol a tlem avangin control mek a ni thung.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »