Zirlai Talent nei \ha thlan zingah Mizo tel

Tunkar Nilani khan New Delhi-a Siri Fort Auditorium-ah ramchhung zirlai talent nei \ha chherna, Pradhan Mantri Innovative Learning Programme 'DHRUV' kharna neiin he huna Zirlai talent nei \ha thlan zingah Mizo zirlai Lalruatpui, Govt. Mizo High School chu a tel.
DHRUV kharna inkhawmah hian India Vice President, M. Venkaia Naidu chu khuallian niin DHRUV chu zirlai talent nei \ha chungchuangte tan an nun a thil thleng pawimawh a \ha zawnga kuaihertu, an tuina kawng hrang hranga an theihna pholangtu a ni dawn tih sawiin, he programme hian hlawkna leh tawnhriat tam tak a neihtir thu leh a lawmpui thu a sawi bawk a. He hun hmanpuitu dang Human Resource Development Minister, Ramesh Pokhriyal pawhin zirlai thlanchhuah te chu ramchhunga zirlai vbc. 33 zingah tlangchhipa meichher det ang an nih a beisei thu a sawi bawk.
Pradhan Mantri Innovative Learning Programme 'DHRUV' Programme hi Bengaluru-a hawn anih hnuah New Delhi-ah hman zui a ni a, India ram hmun hrang hrang a\angin zirlai naupang 60, Science leh Performing Arts a\angin 30 ve ve an tel a. Heng zirlai thlanchhuah te hi an talent leh theihna chi hrang hrangte chu mithiam lar tak tak ten an tuaihriampui a, ram tana chhenfakawm khawp thiamna an neih theih nan an enkawl a ni. Mizoram a\anga tel Lalruatpuii hi nikum khan National Kala Utsav, New Delhi-a neihah Vocal Female Category-ah Mizoram aiawhin a lo tel tawh a. A kharna hunah hian zirlai 60 thlanchhuahte chuan a tirah Classical Music in bul an \an a, a dawtah Vistaar hai Aapar tih hla an rem zui a, a tawp berah Science Student zawng zawng te nen vande maataram hlaah an lam ho a ni.

Comments

Chhiar Hlawhte