Hnam tana penchhuak hmeichhia te chawimawi

Mizo National Women Front (MNWF) Hqrs. huaihawtin nimin khan Saitual-ah 'Mizo Hmeichhia ram tana pen chhuakte chawimawina' hun hman a ni.

Saitual-a he hun hman hi bialtu MLA leh P&E Minister, R. Lalzirliana chuan hmanpuiin District hrang hranga Mizo hmeichhia Hnam tana pen chhuakte chawimawina hun hman a nih hnuah a kharna atana Saitual-a hun hman a ni leh chu lawmawm a tih thu sawiin, “Zalenna famkim 'Sovereignty' tak tak la nei lo mah ila, kan ram leh hnam tana theihtawp kan chhuah phawt chuan kan ram leh hnam hian hma a la sawn zel ang,” a ti. Nimin a he hun hmanna ah hian Mizo Hmeichhia ram tana pen chhuak mi 26 te hnenah chawimawina thuziak leh par\hi hlan niin an zingah hian mi 4 te chu an boral tawh a. Heti hian MNWF hian Mizoram pumah ram tana penchhuak hmeichhia mi 310 te hnenah chawi-mawina hi an hlan ta a ni.