Latest News

Mizoram RD Minister in sawrkar laipui-a RD Secretary hnenah Mizoram mamawh a thlen

Rural Development (RD) Department Minister, Lalruatkima chuan nimin khan Union Ministry of Rural Development-a Secretary, Amarjeet Sinha chu a Pisa-ah kawmin Mizoram mamawh chi hrang hrang a sawipui.
New Delhi-a cham mek RD Minister, Lalruatkima hian nimin a Rural Development Secretary nen an inkawmna ah hian Mizoram-a RURBAN Cluster siam belh chungchang sawipuiin Secretary hian a \ul anga hma lo lak a tum thu Mizoram RD Minister hi a lo hrilh a ni. RD Department hnuaia PMAY(G) Scheme kalpui mekah Central Sawrkar lamin Mizoram State Nodal Account chu Current Account atangin Saving Account-ah let tura Mizoram Sawrkar a tih angin August ni 8, 2019 khan sawn fel a ni a. Hetih rual hian Central Sawrkar a RD Ministry lam hian \anpuina dawngtu turte Account-a pawisa chhunluhna System, PFMS (Public Financial Management System) lam an la chinfel theih loh avangin Mizoram puma PMAY(G) Scheme hnuaia In sak \anpuina dawngtute chuan an \anpuina dawn tur ang an dawng thei lo a, hemi chungchang hi RD Minister, Lalruatkima chuan sawipui bawkin RD Secretary, Amarjeet Sinha chuan Mizoram State harsatna chingfel tur hian a changtu Official te be nghalin a rang thei ang ber a chingfel nghal turin a hrilh bawk a ni.
Heng bakah hian ni 100 inhlawhna tia hriat, Mahatma Gandhi National Rural Employment Guarantee Act (MGNREGA) chungchang pawh he hunah hian sawi dunin kum 2019-2020 chhungin MGNREGS hnuaiah Mizoram Sawrkar chuan cheng vbc. 233.04 hmu tawhin, April thla a\anga September thla chhungin District tinah ni 57 \heuh inhlawh tawh anga chawhrual theih a ni a. Union Secretary pawhin MGNREGS hnuaia Mizoram Sawrkarin an tih \hat avangin Mizoram Rural Development Minister, Lalruatkima hi lawmthu a lo hrilh a. RD Minister chuan ni Za inhlawhna, MGNREGS atana Sawrkar laipuiin Mizoram tana sum a pek \hat avanga Union Secretary hnenah hian lawmthu sawiin, hemi rual hian Mizoram Sawrkar hnenah ni 100 inhlawhna atana sum a tam thei ang ber pe turin a ngen bawk a ni. Union Secretary chuan Sawrkar Laipui in Mizoram dinhmun a hriatpuia, theihtawp a lo chhuah pui zel ang tih a lo hrilh bawk a ni.

Comments

Popular News (Last 30 Days)