CAB in Mizoram a nghawng loh nan hmalak tum

Union Home Minister, Amit Shah chuan Citizenship Amendment Bill-2016 siam\hat a nih chuan Mizoram a nghawng lohna turin hmalak a ni ang, a ti.

Amit Shah hian Inrinni khan lehlangin Aizawl a rawn tlawh a, chawhnu lamah NGO Co-Ordination Committee hruaitute nen Raj Bhavan-ah inkawmna neiin CAB in Mizoramah nghawng a neih lohna tur leh ILP chak zawka thuam a, CAB-ah proviso anga belh a nih theih na’n hmalak a nih tur thu a sawi a. An inkawm hnua NGO Coordination Committee thuchhuah tarlan danin, Home Minister chuan CAB an kaltlang pui a nih pawhin, ILP nei State-te-ah chuan ILP chu inhumhim nan a hman zel a nih theihna turin, CAB-a telh turin ruahman a nih tur thu leh Parliament-ah pharh a nih hmain CAB duanchhin hi NGO hruaitute nena enho hmasak a nih tur thu NGO hruaitute hi a lo hrilh niin an sawi.

NGO te hian Citizenship Amendment Bill-2016 chungchang leh Tripura Relief Camp-a Bru laklet mek chungchang Union Home Minister hnenah hian ziakin an thlen bawk a, Tripura Camp-a Bru te Mizorama a bo a bang awm lova an lo let theih na’n leh anmahni hruaikir tum lui tawh lo turin NGO hruaitute hian an ngen zui a, hemi chungchangah hian palai-Interlocutor ruat a, a rang thei ang bera chinfel a tum thu Union Home Minister hian a lo sawi bawk a ni.

Ramri awng nasa veng tur security \ha tak dah belh tura NGO-in a thlen chu, State sum harsat avangin Central sum hmangin CRPF Battalion khat, Mizo hlang awmna din turin hma laksak a inhuam thu Amit Shah chuan a sawi bawk.