Kawng siam chhe leh nghal siam\ha vat turin phut

Congress |halaite chuan MNF sawrkar chu Assembly House zahawm taka Zoram mipuite hmaa an inchhal ang ngeiin, an kawng siam chhe lehnghal te hi siam \ha leh vat tura an phut thu an sawi.

Nimin a thuchhuah an siamah Mizoram Pradesh Youth Congress Committee (MPYCC) chuan MNF Party te chuan Zoram dung leh vanga kawngpui chhia zawng zawng siam \ha vek tawh angin mipui hmaah an inchhal nia tarlangin, kumin June 26-a Assembly Session neihah 'MNF Ministry-in hun reilote chhunga Zoram dung leh vanga kawng chhe tak a siam \ha mai hi a lawmawm kan ti hle' tiin Pu Zothantluanga,MLA Private Resolution an pass bakah Dr. R. Lalthangliana, Minister leh MNF Hqrs. Vice President ni bawk chuan "MNF kan sawrkar a\ang hun reilote chhungin kawngpui kan siam\ha vek hman," a ti bawk niin an tarlang a.

Hetihlai hian kan chak lakna ber kawngpui siam\hat nia sawi, Buichali leh Khamrang inkar kawngte chu kum khat em pawh a tlin hmain a chhe leh em em tawh nia tarlangin, Motor lian ritphur leh zin veivak te tana zawh huphurhawm khawpin a chhe hle niin an tarlang a. Keifang leh Champhai inkar phei chu a chhe nasain, motor intlanchhawk hun siam hial a nih thu leh zin veivak nunphung a ti khaihlak nasa hle nia tarlangin, Congress Sawrkarin kawngpui siam\hatna atana a sum khawl sa leh hman mai theih tura a ruahman sa, Fur ruahtui tlak tam leh 2018 MLA Inthlanpui avanga a hman leh hman si loh rochuna, MNF sawrkarin hmun hrang hranga kawng a siam, kum khat em pawh a vei hmaa a chhe leh nasa tawh hle mai chu pawi an tih thu leh zahthlak an tih thu tarlangin, Assembly House zahawm taka Zoram mipui te hmaa an inchhal ang ngeiin, an kawng siam chhe lehnghal te hi siam \ha leh vat turin an phut thu hi an tarlang a ni.