SṬP te'n pawi tih thu an sawi

Serchhip Ṭhalai Pawl (SṬP) chuan National Highway aṭanga rim pawh hriat theih khawpa hnaia Ek paih an awm ṭhin chu pawi an tih thu sawiin, hetiang hi awm tawhlo se an duh thu an sawi.

Nimin-a thuchhuah an siamah Serchhip Ṭhalai Pawl chuan tunhnaia Social Media ṭhenkhata Serchhip khawpui chhung, Chhiahtlang leh Bukpui inkara Ek paih an awm ṭhin nia sawi chu nimin zing khan an chhui chian thu leh Chhiahtlang leh Bukpui inrina bulah Ek an paihna hi hmuh a nih thu tarlangin, hetianga National Highway-a kal te pawhin a rim an hriat theih khawpa hnaia Ek paih a ni chu ṭhalo an tih thu leh an ngaih thutak thu an tarlang a. Helai hmuna kawrh hian Serchhip khawpui chawmna atana tui lakna, Tuikum lui a pawh bawk avangin mipuite tan pawha thil pawi thei leh mihring hriselna atan pawha ṭhalo thei tak a nih thu tarlangin, helai hmuna Ek paih ṭhin te chu paih tawhlo turin an ngen a. Hetianga ngenna an siam ngai pawimawh lova lo ti lui leh an awm a nih chuan an hming leh nihna te mipuite hnenah puanzar a nih tawh tur thu an sawi bawk.