Ni 2 awh tur Anthurium Festival hman \an a ni

Ni hnih awh tur Anthurium Festival chu nimin khan Reiek Tourist Resort-ah neih \an niin Chief Minister, Zoramthanga chuan he Festival hi a hawng a ni.
Mizoram sawrkar-a Tourism Department in Ministry of Tourism a\anga cheng nuai 25 a hmuh a\anga buatsaih Anthurium Festival hawnna hunah hian Chief Minister chuan Mizoram ngeih em em leh state dangte pawn an hmelhriat tak Anthurium leh tourism kaikawp a Anthurium Kutpui buatsaih a ni chu lawmawm a tih thu leh khualzin tam tawk he Kut hian a hip chhoh zel a beisei thu a sawi a. India hmarchhak chauh nilo rampum huap in Mizoram chu Anthurium neitu nihna neih tum tura hma lak chhunzawm leh, Anthurium hmanga sumdawnna chu nasa zawka a \han theih nan a hmalak chhunzawm zel a duh thu a sawi bawk.
He hunah hian Tourism Minister, Robert Romawia Royte pawhin sawrkarin khualzin tam zawk hip tura nasa taka hmalak a nih thu leh project thar te pawh siam a nih zel thu a sawi a. Mizoram Chief Secretary Lalnunmawia Chuaungo pawhin Reiek chu khaw nuam leh fai, khualzin hip kawngah pawh mi in an pan chak ber zing ami a nih thu a sawi a. Faina kawnga an hmalakna te chu fakawm tiin, Asia khawmualpui ah pawh a fai ber an nih theih tur thu a sawi bawk.
Kumin aAnthurium Festival ni khatna hi Tourism Secretary, Esther Lal Ruatkimi chuan kaihruaiin vawiin hian a hmun ngai ah chhunzawm leh a ni dawn a, Tourism Minister Robert Romawia Royte chu khuallian a ni ang. He Festival-ah hian zai, lam, lemchan leh thiam thil hrang hrang entir a ni. Anthurium Kutpui ah hian Zo Anthurium Grower's Society ten Anthurium chi hrang hrang lei theih tura phochhuak in, Mizo Typical Village en tur buatsaih a nih bakah intihlimna hrang hrang te siamin, handloom leh handicraft te, ei siam chi hrang hrang lei theih a chhawpchhuah a ni bawk.

Comments

Popular posts from this blog

PAN CARD an tih teh fo hi - Laldinpuia