Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

Supply Minister in DoNER Secretary kawm

New Delhi-a cham mek Minister of State, K. Lalrinliana chuan niminpiah tlai khan Union Secretary for Development of North-Eastern Region (DoNER) Ministry, Inder Jit Singh hmu in a department enkawl ten DoNER Ministry a Mizoram Sawrkar in project proposal thehluh tawh te a sawipui a.
Tlawng Lui lian \hin in Bairabi ram a lak hek nasat a vang a chenna In, lo leh ram te an chan nasat zia DoNER Secretary hi hrilh in, hemi venna leh danna tur a tan a project proposal thehluh tawh chu Bairabi a chengte tan mai bakah Mizoram pum tan a thil \ul leh pawimawh a nih thu a hrilh a, lo ngaipawimawh sak tur in a ngen a. Hei bakah hian FCS&CA Deparment in Infrastructure hrang hrang mamawh an lo thlen tawh te chu a pawimawhna te sawiin, Mizoram-ah Fur nasat zia leh Fur laia ei leh bar chungchangah harsatna a nasat \hin thu a hrilh a, Fur chhung a rin atan hmun tam takah buhfai dahkhawl a ngai \hin a, dahkhawl na \ha a awmloh chuan buhfai tam tak a chhiat phah \hin a ni tih sawiin, godown \ha hmun tam tak a an mamawh thu a thlen a. Union Secretary pawhin a lo ngaipawimawhin Minister hi hmalak zel dan tur te a sawipui a. Fisheries Department hnuaiah pawh Plan Proposal siam dan tur te pawh a sawi hmuh nghal a. Union Secretary chuan Minister sawmna angin Mizoram chu kumin November thla chhung ngei a tlawh a tum thu a hrilh bawk a ni.

Comments

Popular News (Last 30 Days)