Higher Secondary zirlaite tana Hostel hawng

School Education Department leh Central YMA hmalaknaa Aizawl-a Higher Secondary School zirlai awmna tur neilote awm theihna tura cheng nuai 520.48 senga Hostel sak thar chu niminpiah tlai khan Chief Minister, Zoramthanga chuan a hawng.

Lawipu Veng-a he Hostel building thar hawnna hunah hian Chief Minister, Zoramthanga chuan zirlai awmna tur neilo te tan Hostel nuam leh him ha tak siam sak a ni chu lawmawm a tih thu sawiin, \angkai taka hman chhoh zel a nih a beisei thu a sawi a. He hun hi School Education Minister, Lalchhandama Ralte pawhin hmanpuiin Hostel hawn a ni chu lawmawm a tih thu leh, hun rei tawh tak a\anga CYMA leh School Education Department ten thawhdunna thuthlung an siam tawh rahchhuak pakhat a nih thu a sawi bawk.

He Hostel project hi Design-Build Contractor atana thlan Northeast Consultancy Services (NECS) chuan 2013 khan a DPR siamin bul an \an a, kum 2014 khan DoNER Ministry a\angin sanction hmuh niin April 14, 2016 khan lungphum phum a ni a, May, 2016-ah sa \anin April 18, 2019 khan sak zawh a ni. He Hostel building hi block hnih - Block-A leh Block-B ah \hen a ni a. Block-A ah hian chhawng thum awmin, Auditorium, Cafeteria, Lobby, Office, Meeting Room, Dining Room, Guest Room leh Staff quarter te a awm a. BIock-B hi Hostel Room awmna niin a vaiin chhawng li (4) a awm a. Library dah a ni bawk a. Hostel sakna ram hi Central YMA ta niin a enkawl zui hna pawh an thawk nghal dawn a ni.