Kanghmun South-in Gold Medalist hmuah an rel
Nimin tlai khan Kanghmun South khuaa Village Council leh Branch YMA hruaitute chu thukhawmin an khaw nula, Asian Games neih zawh taka Gold Medal latu Lalthantluangi hmuah dan tur hi an rel a, Lalthantluangi hian naktuk, Oct. 6, 2026 hian an khua hi a thleng dawn a, khawtlang huapa lo hmuakin Vantlang Inkhawm neih a nih bakah ruai nen a lawmna an nei dawn a, he hun hmanpui tur hian District thuneitute bakah sawrkar Department hrang hrang, Thenzawl SDO (Civil), Sub-Hqrs. YMA leh Vantawng Group YMA hruaitute leh khaw thenawm VC te sawm nise an ti a ni.
Kanghmun South khua hi Serchhip District-a awm niin Thenzawl leh Lunglei inkara awm a ni a, Lalthantluangi hian Middle School Zonal Sports-ah Kanghmun South School tan khelin hei hi Coach Lalrothuami (Btei) chuan lo hmuin STC Thenzawl zawm turin a hrilh a, a Hockey zinkawng a zawh tan a. Kum 2024 khan India Junior Team Camp zawm tura koh niin Junior huang-ah hian a khel zui a, Women's Junior Asia Cup-ah India chu Champion puiin FIH Women's Nation Cup 2025 khan India Senior Team tan koh tan a ni a. Amaherawh chu kum naupang ala nih avangin hmun nghet erawh ala chang thei meuh lo a, tun tum Asian Games-ah hian goal te khungin Gold Medal a la ta a ni.