Linda-i thih dan Police ten chhui zui mek

Mizoram Police te chuan tun thla ni 5 zan-a Linda-i (33) W/o Vanlalvena, Tlangkhang khua thih chhan chu uluk taka chhui zui mek a nih thu an sawi.
Hemi chungchanga thuchhuah an siam ah Mizoram Police te chuan tun thla ni 3 zan khan Linda-i hi a taksa kang nasa tak avangin zan dar 11:00-ah Bairabi PHC-ah hruai niin First Aid pek anih hnuah Kolasib Civil Hospital panpui a ni a. Heta \ang hian Aizawl Civil Hospital-ah refer niin ZMC-ah hruai leh a ni a, Oct. 4, 2019 zan dar 11:30-ah thlenpui niin a hliam tuar lovin Oct. 5, 2019 tlai dar 4 khan a boral ta tih an tarlang a.
Linda-i thih thuah hian a farnu, Rangsaiti, South Chhimluang, Kolasib District ami chuan a pasal Vanlalvena @Tevena (43) s/o LB Sanga, Tlangkhang chu ringhlelin Oct. 6, 2019 khan Mamit PS-ah complaint thehlutin thubuai ziahluh a nih thu leh Vanlalvena pawh Police kutah awmin investigation tihzui nghal a ni tih an tarlang a. Tuna investigation a\anga a lan danin Linda-i thih chhan hi tihpalh emaw, an nupa inkar buaina emaw a ni thei tih tarlangin, uluk taka chhui mek zel a ni tih an tarlang a. Tunah chuan tualthah (murder) case anga ngaih niin he thihna thlen chhan hi Bru leh Mizo inkar anga lak tur a nih loh thu leh thihna thlen chhan tak hi dan anga uluk taka chhui zel a nih thu an tarlang bawk.

Comments

Popular posts from this blog

PAN CARD an tih teh fo hi - Laldinpuia