Serchhip YMA ten CMO hnenah ngenna an thlen

Serchhip Sub-Hqrs. YMA hruaitute chuan Serchhip-a Asst. Director (Food and Drug) chu sawnchhuah a nih loh nan hmalak zel an tum thu sawiin, hei vang hian thu thar a awm hma loh chuan lo chhuah tir lo turin Serchhip CMO chu an ngen bawk.
Serchhip Sub-Hqrs. YMA hruaitute hian nimin (Oct. 24, 2019) zing dar 10:00 khan Serchhip CMO, Dr. Laldawngliana Sailo hi a Pisa-ah hmuin tun thla ni 16-a Mizoram sawrkar in Serchhip CMO Office a\anga Sarah Laldintluangi a sawnchhuah dan chu an theih ang anga an chhuina ah tihdan phung pangngai pel deuha thil kalpui nia a lan thu an sawi a. YMA ten Ruihhlo leh damdawi ruihtheih hmansual kawnga theihtawpa hma an laknaa an thawhpui leh Dan anga a \ul ang zela huaisen taka hma hruai \hin a nih avanga a chungah he thil hi lo thleng ni ngei nia hriain, hetiang thil a thleng chu pawi an tih thu an sawi a. Transfer Order hi cancel a nih theih nan Serchhip Sub-Hqrs. YMA chuan a theih anga hma a lak zel dawn thu leh a tawp thlenga kal an tum thu an sawi bawk.
Heng Serchhip Sub-Hqrs. YMA hruaitute hi Serchhip CMO, Dr. Laldawngliana Sailo chuan \ha taka lo dawngsawngin, hemi chung-changa YMA te hmalakna chu thuneitu sang zawk hnenah pawh an thlen tawh thu sawiin, an thu an la ngaichang mek tih a sawi bawk.
Serchhip Sub-Hqrs. YMA hruaitute hian Sarah Laldintluangi, Asst. Director (Food and Drug) pawh a Pisa-ah hmu nghalin a Transfer Order chungchanga YMA te hmalakna an hrilh a. He an hmalakna hi lo ngaichang tura ngenin an ngenna hi ziakin an pe bawk a, YMA chuan a theih anga hma a lak zel dawn thu an hrilh bawk a ni.
Serchhip Sub-Hqrs. YMA hruaitute hian he Transfer chungchang hi Vawiin a Serchhip a rawn kal tur Adviser to Chief Minister hnenah pawh lo thlen tumin a \ul angin Aizawl-ah lamkal intirh an tum thu an sawi bawk.

Comments

Chhiar Hlawhte