RTI Week puala inkhawm CIC in Hnahthial-ah a hmanpui

Mizoram State Chief Information Commissioner, Lalduhthlana Ralte chuan mipuite rorelna sawrkar (Democracy) leh RTI chu thil kal kawp tlat a ni, a ti.
Ram puma hman \hin ‘Right to Information (RTI) Week’ hman mek puala in-khawm nimin a Govt. Hnahthial Govt. College Auditorium-a inkhawm a hmanpuina ah he thu hi sawiin Sytate Chief Information Commissioner chuan Sawrkar hmalakna leh hnathawhte hriat chu khua leh tui te chanvo a nih thu a sawi a. RTI Act chu Dan ropui tak anih thu leh he Dan siam anih laia sawrkar laipui Ministry of External Affairs aiawha Inter Ministerial Committee-ah alo tel \hin tawh thu sawiin, RTI Act chu ramchhung state dangte aiin Mizoram-ah kan hman tlem thu a sawi a. He Dan chungchang hi mipuite zingah inhrilhfiah chhunzawm zel a \ul takzet tih a sawi bawk.
RTI Week puala inkhawm-ah hian Van-lalngena, Secretary MIC chuan he hun an hman chhan te a tarlang bawk a ni.
Mipui in Thuneitu (Public Authority) te a\anga thil hriat theihna chanvo an neih theih Dan, RTI Act, 2005 hi Gazette of India-ah June ni 21, 2005 khan chhuah a nih hnuah October ni 12, 2005 a\ang khan rampumah hman \an a ni a. Mizoram sawrkar pawhin RTI Act hi kum 2006-ah hmang \an nghalin 29th June 2006 khan Mizo-ram Information Commission chu din a lo ni ta a. Kum 2006 a\anga kumin September thla tawp thleng khan Mizoram-ah RTI Application 16,139 a lut tawh a. Heng a\ang hian zualko vawikhatna (1st appeal) 177 awm tawhin, zualko vawihnihna (2nd appeal) 73 awmin Mizoram Information Commission-a complaint lut tawh chu a zavaiin 133 a ni. RTI Act chungchang hre-chiang duh tan mic.mizoram.gov.in/ ah hrilhfiahna Mizo leh English-a chhiar tur a awm a ni.

Comments

Popular posts from this blog

PAN CARD an tih teh fo hi - Laldinpuia