‘Poultry Value Development in Mizoram’ tlangzarh

Mipuiten Arsa thianghlim leh hrisel zawk an ei theih nana a enkawl dan kalphung duan thar, ‘Poultry Value Development in Mizoram’ chu AH&Vety Minister, Dr. K. Beichhua chuan Inrinni khan INDBRO Poultry Hatchery Farm, Ramrikawn, Tanhril-ah a tlangzarh.
Zoram Poultry Development Society hnuaia ‘Poultry Value Development in Mizoram’ tlangzarhna hunah hian AH&Vety Minister chuan he Department-a thawk te chu Mizoram in sa leh artui-a kan intodelh nan \an la chhunzawm zel turin a chah a. Hmasawnna thleng tur chuan kalphung pangngai piah lama thil thar ngaihtuah chhuah a pawimawh thu a sawi a. Poultry Value Chain Development chu kan ram mamawh tawk arsa tharchhuah kawnga hmanraw \angkai tak ni tura duhsakna hlanin, Department a thawktuten an kalpui zelnaah leh enkawl chhunzawnna ah pawh ram leh mipuiten a hlawkna an hmuh thuai theih nan tha thlah lova \hahnemngai taka thawk turin a fuih bawk.
Value Chain project hnuaiah hian mipui in sa thianghlim zawk leh him zawk an ei theih nan Input Services, Day-Old Chick, Feed, Medicine, Vaccine leh Veterinary Service te, Production Service hnuaiah- Poultry Farm te; Processing and Marketing hnuaiah Ar talhna leh puahna hmun te, arsa zawrhna hmun te chu Qualified Veterinarian ten awlsam takin an endik thei tawh ang.
INDBRO Poultry Hatchery Farm, Ramrikawn, Tanhril-ah hian a ruala Artui 60,000 awp tir theihna, Hatchery building a awm a, Layer 6000 emaw, Broiler 3000 parent stock awm theihna Layer House awm bawkin Ar 4000 dang vulh theihna tur sak belh mek a ni bawk. Kum 2019 January-September thleng khan Artui 2,44,906 leh Arte 1,47,199 tharchhuah a ni tawh bawk a. Inrinni-a he hun hmanna ah hian District hrang hrangte tan vulh pun theih turin Arte chu thawnchhuah nghal a ni bawk.

Comments

Chhiar Hlawhte