Paragliding Accuracy World Cup 2020 & Grand Festival neih tur atan inbuatsaih mek a ni

Nakum February thla-a Serchhip in Paragliding Accuracy World Cup 2020 & Grand Festival a thlen tura Organising Committee Chairman leh Sports Minister ni bawk, Robert Romawia Royte chuan nimin khan Serchhip-a thuthar thehdarhtute kawmin he hun thleng tura inbuatsaihna hrang hrang a hrilhfiah.

Nimin-a Leisekawt Mual-a thuthar thehdarhtute a kawmna hunah hian Paragliding Accuracy World Cup 2020 & Grand Festival Organising Committee Chairman, Robert Romawia Royte chuan Serchhip in February ni 10-16, 2020 chhunga Paragliding Accuracy World Cup 2020 & Grand Festival a thlen tur atan hian sawrkar chuan Organising Committee dinin a theihna zawng zawngin hma a lak thu a sawi a. Mizoram in Paragliding Accuracy World Cup 2020 & Grand Festival a thlen tur chu Mizoram in Sports Event kan thlen tawh zingah a lian ber tur ala nih a rin thu leh hetiang bawk hi kan thleng leh a nih loh chuan inelna dangah khumtu pawh an awm mai a rin loh thu sawiin, hei vang hian he hun hi hlawhtling taka kan thlen theihna turin kan \anrual a pawimawh thu a sawi a. He inelna neih turah hian India rampawn a\ang ringawt pawhin inelna a tel tur mi 150 chuang an rawn kal beisei a nih thu leh Tourism Department nen \angtlanga hma lain a chhimtute nen mi tam zawk rawn kal tura beisei an nih thu a sawi a. Ramdang mi tam tak rawn kal tur an awm avang hian ram hrang hrang Embassy te pawhin Serchhip chu an ngaihven tur thu sawiin, hei vang hian hlawhtling taka he Event hi neih a nih theih nan sum pawh ngaihtuah belh zel a nih thu a sawi a. Mikhual thlenna tur sak belh bakah Tourist Lodge te pawh thuam\hain Home Stay te pawh siam tum a nih bakah Thenzawl-a Golf Course te pawh hman \angkai tum a nih thu leh Wellness Spa te pawh hman theih tura lo buatsaih tum a nih thu a sawi bawk.
Thuthar thehdarthtute zawhna chhangin Serchhip-a Para-Gliding tihna hmun chu sawrkar pawhin hmun nghet ni tura cheibawl zui a tum thu leh tunah hian a panna kawng pawh PWD in an chei\hat dawn thu a sawi a. Helai ram hi tunah hian Mizoram Aero-Sports Association (MASA) te enkawl mek a nih thu sawiin, sawrkar anga hmalakna kalpui a nih dawn chuan a ram LSC te pawh sawrkar kutah awm se hmalak a awlsam tur thu a sawi a. Serchhip in nakum February thla tawp-a  K|P General Conference a thlen hunah pawh mikhual a duh apiang te an thlawh ve theihna turin Pilot \henkhat te chu cham thei tura an beisei thu a sawi bawk.
Hei bakah hian Sports Minister ni bawk Robert Romawia Royte chuan Serchhip in he inelna a thlen tur atan hian a theih angin Serchhip khawpui chei hna pawh thawh tum a nih thu a sawi a. He Event neih tur atan hian Committee peng hrang hrangte dinin anni hian bawhzui ngai ang ang te bawhzui nghalin heng te hi thlirho leh thuai a nih tur thu a sawi bawk.
Serchhip Chuanhnuai-a Para-Gliding tihna hmun cheibawl hna hi tunlai hian chak taka bawhzui mek niin nikum-a Pre-World Cup neih \uma \um khata mi pakhat chauh thlawhchhuah theih chu laizau in tunah hian a rualin mi 5-7 vel thlawkchhuak thei tawh tura beisei a ni bawk.
Sports Department hnuaia Mizoram State Games neih tur chungchang pawh sawiin Robert Romawia Royte chuan he Games neih tur hi Council of Minister \hukhawm rel a nih thu leh National Games leh Asian Games-ah te Mizoram in Medal a dawn theihna tur tinzawn a hmalakna a nih thu a sawi a. Dec. 9-13, 2019 chhunga neih tur a nih thu sawiin, kum 34 hnua neih lehna hmasa ber tur a nih thu pawh a sawi a. Sports Discipline 32-an inelna hi neih tur a nih thu leh Events 221-ah Gold Medal lak theih a nih dawn thu a sawi a, heng te hi Mipa tan 132 leh Hmeichhe tan 88 niin mipa leh hmeichhe tel kawp theihna pakhat a awm tur thu a sawi bawk.

Comments

Chhiar Hlawhte