K|P General Conference atan inbuatsaih mek zel

Nakum-a Serchhip in K|P General Conference a dawn tur atana inbuatsaihna kal mekah Reception Counter tur 16 siam fel a ni.

Nakum February thla tawp-a Serchhip khua in K|P General Conference a dawn tur atana inbuatsaihna hi kawng hrang hrangah kalpui mek zel a ni a, Reception and Ushering Committee pawhin mikhual te lo hmuahna tur Counter siamfel tawhin heng Counter hrang hranga thleng turte pawh uluk taka ruahman niin peihfel thawhkhat a ni tawh a ni.

Reception and Ushering Committee in ruahmanna an siam dan chuan K|P General Conference-ah hian Advance Counter hmun hnih ah siamin Hmar lamah Bukpui leh Chhim lamah Sailiam Kawn-ah te ruahman a ni a. Heng bakah hian Counter 16 ruahman niin heng te hi College peng, Kudam kawn, Boxing Hall peng, Ser-chhip DC Office peng, Serchhip P&E Veng-a Mini Park, DRDA Office kawt, AOC Kawn, Chan-mari Volleyball Court, Serchhip Bazar, Hmar Veng Biak In chhak, Auditorium kawt, Vengchung Volleyball Court, Tuikhuah Veng (UBI kawt), Chhim Veng Volleyball Court, Thumbawk Tuikhur leh Dinthar Presbyterian Kohhran Biak In peng te a ni.