Mizoram-ah White Cane Day hman a ni

Mizoram Blind Society chuan Mizoram-a a vawikhatna turin nimin khan ‘White Cane Day’ chu SCERT Auditorium, Aizawl-ah an buatsaih a. He hun hi Social Welfare Minister, Dr. K. Beichhua chuan khuallian niin a hmanpui a ni.
White Cane Day hmanna ah hian Dr. K. Beichhua chuan White Cane Day chu Mitdel te tan chauh ni lo Mizoram pum tan ni chhinchhiahtlak tak a ni tih sawiin, he ni puala programme buatsaihtu Mizoram Blind Society te hmalakna chu fakawm a tih thu a sawi bawk.
SWD Minister chuan Mihring vanneihna leh vanduaina a inchen lova, malsawmna leh hlawhtlinna pawh a teh dan a zir a ni tih sawiin, ham-\hatna tam tak dawngtu nia ngaih, chhung-rila hlimna reng reng nei lo te hi khawvela mi vanduai ber an nih thu leh Mitdel te chu Mit-a hmu thei lo ni mahsela Pathian malsawmna kawng dang tam taka dawngtu an ni thung tih inhre turin a chah a. Mitdelte zingah Mizoram chhung ngei ah pawh mi hlawhtling tak tak, Mit-a hmu thei tam tak te neih phak loh thiamna sang tak tak nei an awm tawh tih sawiin, an khaw hmuh theihlohna chu an nun tibeidawngtu nih tir lo tur leh hmalam pana kal zel turin a fuih bawk.
Nimin a White Cane Day-ah hian Social Welfare Minister hian mi sawmnga (50) tan tiang var (white cane) leh Mobility Aid a sem nghal bawk a. He hunah hian Mobility Aid hman dan inzirtirna hun an hmang bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar