Nominated Member ten Vote nei thei dawn lo
Lai Autonomous District Council (LADC) a Nominated Member ten Sawrkar bukna a Vote an neih theih nana High Court-a an thlen chu Zirtawpni khan Gauhati High Court, Aizawl Bench chuan thutlukna siamin Nominated Member ten Vote an nei thei dawn lo.July 3, 2007-a Mizoram Sawrkar-a District Council and Minority Affairs Department in LADC Secretary hnenah lehkha thawna, Sawrkar fiahna ah Nominated member ten vote an thlak thei lovang tih a hriattir chu LADC a Nominated Member pathumte chuan High Court ah khingin, Vote an neih theih nan hma an la a, hun engemaw chen a ngaihtuah hnuah Gauhati High Court, Aizawl Bench chuan Zirtawpni khan thutawp siamin, State Sawrkar, District Council and Minority Affairs in lehkha a lo tih-chhuah tawh chu nemnghetin, LADC-a Nominated Member te chuan Sawrkar bukna ah Vote an nei thei dawn ta lo a ni.
Hetihlai hian LADC a Congress Legislature Party a\anga chhuak Member panga (5) te chungchang thu tawp siam tura High Court in Governor a dah chu, Member panga te hian Division Bench ah an thlen veleh avangin Governor chuan Member panga te dinhmun tur hi ala tichiang lova, heng Member panga te chungchang hi thlaleh November 6 khian Division Bench chuan a ngaihtuah dawn a ni.
LADC-ah hian Elected Member (MDC) 25 awmin, Congress chuan Member 16 neiin Congress Legislature Party (CLP) chuan anmahni thlawptu Independent Member pakhat nen Member 17 neiin Sawrkarna an siam a, Congress Legislature Party a\angin Congress Member 4 leh an mahni thlawptu Independent Member 1 chuan CLP an thlawpna an hnukdawk a, MNF Member 8 nen United Legislature Party (ULP) dinin, LADC-a T.Zakunga kaihhruai Congress Sawrkar paihthlak tumin hma an la mek a,Session hnu-hnung ber pawh mumal taka zawh a ni lo a ni.
Post a Comment