Dampa-a Sakei report awmlo ASEP in pawi an ti

Association for Environmental Preservation (ASEP) chuan Dampa Tiger Reserve enkawlna kawnga State chhunga Committee te chu an tihtur dik tak tun aia nasaa hlenchhuak tura an phut thu an sawi.
ASEP hian nimin khan Aizawl-a PIB Media Center-ah General Body Meeting neiin thu pawimawh hrang hrang an ngaihtuah a. Tiger Census Report tihchhuah thar berah Dampa Tiger Reserve-ah Sakei a awmlo nia report a ni chu pawi an tih thu sawiin, hei hi Dampa ngaw chhunga Border fencing tihna tur ramri-a kawngpui (Inspection path) laihna hna thawh a nih vangte leh chhan hrang hrang vang a nih a rinawm tih an sawi a. Dampa hi Mizoram hmun hlu leh ngaihhlutawm berte zing ami a nih avangin sawrkar in uluk lehzualin a chhan leh a vangte chhuichiang lehzual se an duh tih sawiin, Dampa Tiger Reserve enkawlna kawnga State chhunga Committee pawimawh tak tak- Tiger Steering Committee, Tiger Conservation Foundation leh Executive Committee of the Tiger Conservation Foundation te pawh an tihtur dik tak tun aia nasaa hlenchhuak tura an phut thu an sawi bawk.
Hei bakah hian ASEP chuan Thlasik rim a lo nam leh ta tih pawh sawiin, he hun hi sapel ching leh ramvah chingte an chhuah ngawrh hun vanglai a nih avangin nungcha humhalhna dan lekkawhna kawngah sawrkar in chak lehzualin hmalakna kalpui se an duh thu leh Dan bawhchhetute chunga dan anga hmalakna lekkawh \hat tawk a nih loh fo avangin chu chuan nungcha humhalhna kawngah min ti\huanawp tih an sawi bawk.

Comments

Chhiar Hlawhte