Eco-Tourism Activity hawng

Rural Development Department buatsaihin nimin khan Sateek Community Hall-ah Mahatma Gandhi piancham 150-na hriatreng nan Shyama Prasad Mukherji RURBAN Mission (SPMRM) kaltlanga Aibawk RURBAN Cluster hnuaia khual-zin hip thei tur hmalakna Eco-Tourism Activity hrang hrang hawn a ni.
Aibawk RURBAN Cluster hnuaia Eco-Tourism Activity hrang hrang hawnna hun hi RD Minister, Lalruatkima chuan khuallian nia hmanpuiin India hnampa Mahatma Gandhi piancham vawi 150-na denchhena Sawrkar Laipui in Tourism hmasawnna tur leh mipuite inpawhtawnna tur ruahmanna \ha tak a siam chu lawmawm a tih thu a sawi a. Mizoram-ah RURBAN Cluster pali (4) kan neih thu sawiin, RURBAN cluster kan neih hmasak pahnih Aibawk leh Thing-sulthliah-ah te \ha taka hna kalpui a nih avangin Sawrkar Laipui in Cluster dang pahnih- Khawzawl leh East Lungdar RURBAN Cluster min pek belh leh a, a aia tam nei turin \an lak chhunzawm zel tum a ni, a ti bawk.
Aibawk RURBAN Cluster hi Mizo-ram-a SPMRM kalpuina hmasa ber a ni a. Kum 2016-2017 a\ang khan khaw 11-ah hna hlawm chi hrang hrang 16 kalpui a ni a, chung zinga hlawm khat Eco-Tourism hnuaiah Activities hrang hrang kalpui a ni a. Chung zingah chuan Sateek khua a Lianphunga Bung tlawhtu te chawlh hahdam nan Camping Ground siam a ni a, Camping Package hi lei theih niin he Package hian Camping Gear leh Service chi hrang hrang a keng tel a ni. Sateek-ah tho hian Hiking Trail siam niin Sava leh rannung chi hrang hrang engemawzat hmuh tur a awm a, Sateek-ah tho hian Mizoram-a Cycling Track hmasa ber siam niin Phulpui khaw hmingthanpui Zawlpala Thlantlang pawh a tlawhtu te tana awlsam zawk nan khawthlirna ‘Top View’ chhawnghnih a sang sak a ni a, a panna kawng pawh siam\hat niin Puk Seki panna kawng siam\hat a ni bawk.

Comments

Popular posts from this blog

PAN CARD an tih teh fo hi - Laldinpuia