Serchhip-ah Vigilance Awareness Week pualin Vigilance Awareness Campaign neih a ni

Rampuma Vigilance Awareness Week hman mek pualin nimin khan Serchhip DC’s Conference Hall-ah Vigilance Awareness Campaign neih a ni a. He hun hi Serchhip Addl. DC, Chuauhnuna chuan hmanpuiin eirukna dona kawnga hriattur pawimawh hrang hrang zirho a ni.

Vigilance Awareness Week puala inkhawm Serchhip DC’s Conference Hall-a neih ah hian Serchhip Addl. DC, Chuauhnuna chuan a hawnna thu sawiin hetiang hun Serchhip-a hman a ni chu lawmawm a tih thu sawiin Sawrkar hnathawkte chu mawlmang taka thawka, mawlmang taka hlawh la ngawt tura rawih an ni lo tih sawiin, min ruaitu sawrkarin kalphung leh duh dan a zam anga fel taka hnathawk tur kan nih thu a sawi a. Ram inrelbawlna fel leh langtlang a awm theih nan te, eirukna awmlohna ram kan nih theih nan te sawrkar hnathawktute hian tih tur an neih \euh tih sawiin, an thil neih te sawrkar-ah an tarlan \hin a \ul thu leh thil an lei dawn pawhin sawrkar a\anga phalna an lak hmasak a \ul thu a sawi a, chutiang chu Dan a awm laia lo zep ru te an awm \hin avangin hetiang hun hi hman a \ul ta tih sawiin, chutiang dan pawimawh leh sawrkar hnathawk te tihtur te chiang zawka min hrilh tura Aizawl a\angin thawktute an rawn kal chu lawmawm a tih thu leh he hun hi an hlawkpui ngei a beisei thu a sawi bawk.
Serchhip DC Office-a Superintendent, R. Lalmuankimi kaihhruai he hunah hian Zosangliana, Dy. SP (ACB), Vigilance Department chuan kum dangah chuan Aizawl-ah Vigilance Awareness Week puala hun an hman mai \hin thu leh kumin hi District hrang hrangah an hman vawikhatna a nih thu a sawi a. Hemi hnu hian Vigilance Department hnathawh dan te, Anti-Corruption Bureau hnathawh dan te, Lokayukta hnathawh dan te, Complain thehluh dan te leh Property Return a hun taka thehluh ngei ngei a \ul dan te sawiin, sawrkar hnathawk te chu Conducts Rules hnuaia awm an nih thu leh Conducts Rules in a phut angin Property Returns ngaih pawimawh tur a nih thu a sawi a. Tunah chuan Online hmanga thehluh theih a nih tawh thu sawiin, tunhnaia sawrkar thuchhuah chuan Property Returns thehlut lo chuan increment an hmuh theih tawh dawnloh thu a sawi bawk.
Dy. SP (ACB) chuan sawrkar hnathawk te chuan an sum lakluh an thil neih a inmil em tih an hriat a pawimawh thu pawh sawiin, Sawrkar hnathawkten an dinhmun leh nihna vanga lawm-man an lo dawn theih chu tunhnaiah tihsan a nih thu leh Group A leh B-ah Rs. 5000 thleng niin Group C-ah Rs. 1500/- a nih thu a sawi a, heng aia tam la te chu Conducts Rules bawhchhiatna a nih thu a sawi a. Sawrkar hnathawk ten sawrkar sum an hman danah diklo taka mahni ham\hatna tura uchuak taka hmang nia rinhlelh an awm chuan thubuai siam sak theih an nih thu pawh a sawi bawk.
Mizoram-a Anti-Corruption Bureau (ACB) lo din chhoh dan pawh sawiin, kum 1976-ah Mizoram Police hnuaiah DSP kaihhruaina hnuaiah Anti-Corruption Branch anga lo dingin kum 2008-ah Anti-Corruption Bureau (ACB) tiin Vigilance Department hnuaiah an awm tak thu leh an hotu ber chu Chief Secretary a nih thu a sawi a. Police Manual zulzuia kal an nih thu leh ACB-a Complain thehlut duh te pawh an buaipui theih reng thu te sawiin, Vigilance Department leh Lokayukta te thawhhona a \hat thu a sawi a. Tun dinhmunah Mizoram Lokayukta ah complain panga (5) a luh tawh thu te, Case te chu Lokayukta hian ACB-ah dan ang thlapa chhui zui tura a pek (refer) thu te, case pakhat chu chhui zawh tawh ni a report pawh Lokayukta ah thawnlet a nih tawh thu a sawi bawk.
Vigilance Week hi kumtin India ramah 28th Oct. - 2nd November inkarah Central Vigilance Commission bultuma hman \hin a ni a, India ram Home Minister hmasa ber, Sardhar Vallabhai Patel a piancham, Oct. 30 denchhena hman \hin niin kumin hian ‘Rinawmna - Nunphunga nei’ tih chu thupui-ah hman a ni.

Comments

Chhiar Hlawhte