Latest News

Mamit-ah Bru lo kir te chenna In tur sak mek a ni

Tripura Bru Relief Camp a\anga Bru hruaikir thawh 9-naa Mamit District mi leh sa lo kir, Mamit Bazar Veng-a awm turte awmna tur sak chhunzawm mek a ni.
Bru hruakir hna thawh mekah hian Mamit Bazar Veng-ah hian chhungkaw 40 vel awm tura beisei an nih laiin nimin thleng khan chhungkaw pakhat (1) chiah rawn kir an la awm a, tunah hian chhungkaw 7 awmna tur chu sak leh mek a ni. Bru hruaikir te awmna tur Mamit Bazar Veng a sak mek hi Administrative Officer kaihhruaina hnuaiah Bazar Veng VC ten an sa a, chhungkaw khat chenna tur hian a dung ft. 14 a vang ft. 12-a zau-a sak a ni a; Kawlphetha leh tui pawh dahfel vek a ni tawh a, he hmuna cheng mek chhungkaw nu ber chuan harsatna an neih loh thu leh chhawmdawlna hrang hrang an dawn tur te pawh an dawn tawh thu a sawi. Tripura Bru Relief Camp a\anga hruaikir te hian an awmna tur khua an thlen hlimin In sakna tur Rs. 150,000/- a\angin First Installment Rs. 25,000/- bakah thlatin chhawmdawlna (Monthly Cash Assistance) Rs. 5000/- leh ration buhfai bakah Bank Account nei tawh te Account-ah cheng nuai 2 chu Fixed Deposit a dah sak an ni a. Kum hnih chhung a thlawna Ration pek tur an ni bawk.

Comments

Popular News (Last 30 Days)