Serchhip-ah 'World Sight Day' hman a ni

Nimin October 10, 2019 kha 'World Sight Day' niin Serchhip-ah chuan Mit enkawl uluk a pawimawh zia inzirtirna leh midangte tana thih hnua Mit pek a pawimawh zia inzirtirna atan hman a ni.

World Sight Day pual hian nimin chawhma lam khan Serchhip District Hospital OPD-ah inkhawm tawi buatsaih niin he hunah hian Serchhip District Medical Superintendent, Dr. ZD. Lalmuanawma chuan Mit enkawl uluk a pawimawh zia sawiin, Mit chu mihring ten khaw eng kan hmuhna a nih avanga enkawl uluk a pawimawh thu te sawiin, Mit lama harsatna nei te chuan mahni hriatna anga enkawl mai lovin Serchhip damdawi In-a mithiam te rawn \hin turin a chah a. Tunlaia Mobile Phone kan hman nasat avangin Mit lama harsatna kan neih zel loh nan fimkhur a \ul thu pawh a sawi bawk.

Hemi hnu nimin chawhnu lam khan Eklavya Model Residential School, Serchhip-ah World Sight Day pual hian hun hman zui niin he hunah hian Serchhip Damdawi In-a Mit enkawlna lama thawktute chuan zirlai naupangte hnenah Mit enkawl uluk a pawimawh zia zirtirin, a thlawna Mit enfiahna hun buatsaih a ni bawk a. He hunah hian zirlai naupang 180 te chu an Mit enfiah sak niin an zinga mi 20 te chu an Mit a \ha tawklo tih hmuhchhuaha Tarmit pek nghal tura tih an ni a. Hemi rual hian Eye Donation Campaign neih nghal niin naupang 116 ten an thih hnua midangte tana Mit pe turin an intiam bawk.