Inrinni zing-a Serchhip-a Bazar turte hnenah GHSS NSS Volunteer ten Paper Bag an sem

Mipui ten Plastic bag an hman lohna tura hmalakna chi khat atan Govt. Higher Secondary School Serchhip-a NSS Volunteer te chuan Inrinni zing khan Serchhip Bazar-ah Paper a\anga siam bag an semchhuak.
Govt. Higher Secondary School Serchhip NSS Unit ten Paper bag an sem tur puala inkhawm tawi Serchhip Bazar tual-a neih ah UD&PA Department-a Inspector of Sanitation, F. Lalruatkimi chuan Plastic bag chu kawng hrang hrangah a \hatlohna a awm avangin sawrkar pawhin 50micron aia pan chu hman khapin he dan bawhchhia te chu kum 5 thleng lung In tan tir bakah pawisa pawh chawitir theih an nih thu a sawi a. He Dan hi kenkawh mek zel a nih thu sawiin, hei vang hian Plastic bag hmang lova \awiral thei chi bag hman chu kan inzirtir a \ul thu a sawi a. Tunah hian kawl lai leh zawrhlai kan lo la nei a nih pawhin nakin-a hralh tur leh zawrh tura lo lakhawl tawhlo tura sumdawngte pawh ngenin, kan tu leh fate tana \ha lo, chhuan tam tak thlenga harsatna min siam sak theitu hi kan hman loh a pawimawh thu a sawi bawk.
Govt. HSS NSS Unit-a Programme Officer, MC. Lal\anpuia kaihhruai he hunah hian Govt. HSS Serchhip Principal, RK. Sanghmingliana pawhin thu sawiin Plastic bag/polythene bag hmanglo tura inzirtirna hi kum 2011 a\ang khan an lo kalpui tawh thu sawiin, hemi \um hian Paper bag 27,500 zet an lo semchhuah tawh thu a sawi a. Ram changkang zawkah chuan heng Plastic bag te hi hman an khapna a rei tawh thu leh kan ramah pawh luikawr-a bawlhhlawh kan hmuh tam ber, leimin siamtu chu heng plastic bag te hi a nih thu sawiin, kum 100 chuang hnuah chiah a \awihral theih avang leh halral a nih pawhin boruak ti bawlhhlawhtu a nih avangin kan hman loh a pawimawh thu a sawi a. Heng Paper bag an sem te hi NSS Volunteer ten an Paper neih remchan ang ang hmanga an siam a nih thu a sawi bawk.
Inrinni zing-a heng Paper bag sem-chhuahna hunah hian zirlai naupangte Paper bag siam sing chuang zet chu Serchhip Bazar-a thil lei tura kal te leh Bazar-a thil zuartute hnenah heng zirlai naupangte hian an sem a, Plastic bag hman \hatlohna thuziak te pho-chhuakin, mipuite hnenah Plastic bag hmang lo turin an ngen nghal zel bawk a ni.

Comments

Chhiar Hlawhte