MJA (SD) Member ten North Vanlaiphai khuaa YMA General Conference inbuatsaihna an tlawh

MJA Serchhip District chuan nimin khan North Vanlaiphai khua tlawhin karleh maia YMA General Conference vawi 72-na an thlen tur atana inbuatsaihna te an enpui a. He Conference neihna tura Pandal hi nimin tlai khan a hlanna neih a ni bawk.

MJA Serchhip District Member te hian nimin zing khan Serchhip chhuahsanin North Vanlaiphai hi an tlawh a, North Vanlaiphai-ah hian YMA General Conference Organising Committee hruaitute leh Pandal Committee hruaitu ten lo dawngsawngin Pandal sak mek leh a vel te an tlawh hnuah Pandal tual-ah inkawmna an nei zui a. He hunah hian Organising Committee hruaitute chuan YMA General Conference thleng tur hian inbuatsaihna an peihfel thawkhat tawh tih sawiin, tih tur neuh neuh, a chhung cheimawi leh \hutthleng rem bakah Photo Exhibition neihna tur la zawhfel loh te chu an hmabak langsar a nih thu sawiin, heng te pawh hi ruahmanna engkim siam sa a nih tawh avangin reilote ah peihfel a nih theih an beisei thu an sawi bawk.

YMA General Conference Organising Committee hruaitute chuan he khawmpui thleng tur hian a tirah Palai sing chuang zet beisei mah se tunhnaia YMA General Conference neih dan thlirin palai 5000 vel tal chu tling thei tura an beisei thu sawiin, hei vang hian Pandal Structure awmsa, Central YMA ta an hawh pawh zauh belh lovin mi 4000-5000 vel leng tura beisei an nih thu an sawi a. He khawmpui thlenna atan hian Organising Committee hnuaiah Sub-Committee te din niin heng te hian an hmazawn \heuha tihtur awm te ti zelin, tunah chuan lo inbuatsaih lawkna tur ang te chu an tihfel tawh thu leh he khawmpui lian a hman tur Sound System pawh tunkar Inrinni-ah chuan phurh thlen tawh tur a nih thu an sawi bawk.

Hei bakah hian Organising Committee hruaitute chuan North Vanlaiphai panna kawng chu sawrkar ruahmanna awmsa angin khawmpui zawh veleh zauh leh siam\hat tum sa a nih thu sawiin, tuna kawng chhe zualpui te pawh PWD lamin GSB te chhungin a siam\hat hna an thawk mek tih an sawi a, hei bakah hian khawchhung lama mamawh buhfai bakah tui leh kawlphetha lamah te pawh harsatna awmlo tura beisei a nih thu an sawi bawk. North Vanlaiphai khawtlang mipuite pawh he khawmpui lian dawng tur hian an inpeihfel tawh tih sawiin, In leh lo te an theih dan dana chei \ha in, chhungkaw engemaw zat chuan mikhual riahna tur Room te an siam belh a, inthiarna te pawh siam belhin, mikhual \hahnem tak pawh thleng se, dawl zo turin an inbuatsaih nasa hle a ni.